Back Bodenmeer AF Bodensee ALS ኮንስታንጽ ሃይቅ AM Laco de Gostanza AN بحيرة كونستانس Arabic بحيره كونستانس ARZ Boden gölü AZ Боден күле BA Bodnsee BAR Бодэнскае возера BE
| Bodenlago | |||||||
|---|---|---|---|---|---|---|---|
   | |||||||
| |||||||
| Alfluantoj | |||||||
| - alfluantoj | Rejno, Bregenzer Ach, Argen, Steinach, Schussen | ||||||
| Defluantoj | |||||||
| - defluanto | Rejno | ||||||
| Situo | orienta Svislando, suda Germanio, Vorarlberg (Aŭstrio) | ||||||
| - alteco | 395,23 m ü. M. [+] | ||||||
| - koordinatoj | 47° 39′ 0″ N, 9° 19′ 0″ O (mapo)47.659.3166666666667Koordinatoj: 47° 39′ 0″ N, 9° 19′ 0″ O; CH1903: 741094 / 279394 (mapo) | ||||||
| Longo | 63 km (39.15 mi) | ||||||
| Larĝo | 14 km (8.7 mi) | ||||||
| Maksimuma profundo | 254 m | ||||||
| Averaĝa profundo | 90 m | ||||||
| Akvokolektejo | 11 500 km² (1 150 000 ha) | ||||||
| Areo | 536 km² (53 600 ha) [+] | ||||||
| - mezproksima | 370 m³/s | ||||||
 |
|||||||
| Bodenlago | |||||||
 Vikimedia Komunejo: Lake Constance [+] |
|||||||
| plej granda lago en la germanparola areo | |||||||
| |||||||
La Bodenlago (ankaŭ konata kiel "Konstanca Lago") situas en la trilanda regiono inter Aŭstrio, Germanio kaj Svislando. Ĝin trafluas rivero Rejno.
La regiono de la lago estas germanlingva, pli precize alemana. La germana nomo de la lago estas Bodensee [BOdenze], referante al la tri akvejoj (Boden): Supera lago (Obersee), Malsupera lago (Untersee) kaj Laga Rejno (Seerhein). La areo de la lago estas administrata komune de la tri bordaj ŝtatoj; ne ekzistas oficialaj limoj sur ĝi. La kaŭzo estas, ke ĝis la Vestfalia Paco la tuta lago apartenis al la Germana Regno, kaj la packontrakto ne provizis reguladon de la surlaga limo.
La lago konsistas el du partoj, supra kaj malsupra; la parto de Rejno, kiu ligas ilin (ĉe Konstanco/Kreuzlingen), longas nur kvar kilometrojn, tial oni parolas pri unu lago. Ĝi havas areon de 536 km² kaj estas nur malmulte malpli granda ol Lemano. Ĝia volumeno de 48,5 km³ tamen konsiderinde malsuperas tiun de Lemano. Ĝia longo estas 63,3 km, ĝia alto super marnivelo estas mezume 395 metroj. Ĝia pleja profundo estas 253 metroj.
En la lago estas tri iom grandaj insuloj, Mainau, Reichenau kaj Lindau, kiuj apartenas al Germanio.
Ĉar la regiono norde de la lago ne estas riĉa je akvofontoj, la lago provizas trinkan akvon por multaj urboj, interalie por Stutgarto, kiu distancas pli ol 100 km. La akvo estas ĉerpata en profundeco de 60 m apud Sipplingen.
La lago ĝuas relative mildan klimaton kaj malofte dumvintre formas firman glacitavolon. Ekde la jaro 875 oni nombris nur 33 tiajn vintrojn; la lasta estis en 1963. Tia glacitavolo estas eta administra problemo, ĉar ĝi ebligas piediran var-trafikon inter Germanio kaj Svislando kaj tiel eviton de doganpago. En 1963 oni efektive metis dogankabaneton sur la glacion.
Historie multaj pentristoj bildigis la pitoreskan pejzaĝon - nur unu el multaj ekzemploj estas la naiva pentristo Adolf Dietrich.