Bronzomolotro

Bronzomolotro
Bronzomolotro, en Tucson (Arizono), Usono
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Ikteredoj Icteridae Genro: Molothrus Specio: 'M. aeneus'
Dunomo
Molothrus aeneus (Wagler, 1829)
Konserva statuso
Konserva statuso: Malplej zorgiga
Aliaj Vikimediaj projektoj
Sistematiko en Vikispecioj
Komunejo pri Bronzomolotro
v • d • r

La Bronzomolotro (iam konata kiel Ruĝokula molotro), Molothrus aeneus, estas specio de birdoj de la familio de Ikteredoj kaj genro de molotroj kiu enhavas 5 speciojn de nestoparazitaj birdoj.

Ĝi troviĝas el suda Kalifornio, Arizono, Nov-Meksiko, Teksaso kaj Luiziano suden tra Centrameriko al Panamo.

Masklo de Bronzomolotro estas 20 cm longa kaj pezas 68 g, kun bronzverda brilnigra plumaro kun bluverdeca irizeco ĉefe ĉe flugiloj kaj tre ruĝaj okuloj. La bronzkolora irizeco nomigas la specion laŭ la komuna nomo kaj ankaŭ en la latina scienca nomo kie aeneus signifas “metaleca”. La ino estas 18.5 cm longa kaj pezas 56 g. Ŝi estas pli senkolora nigra supre kaj pli bruna sube. Junuloj estas kiel inoj sed havas grizajn plumobordojn.

Kiel la aliaj molotroj, ankaŭ tiu birdo estas nestoparazito: la ino demetas siajn ovojn en nestoj de aliaj birdoj. La molotridoj estas manĝigataj de la gastigantaj gepatroj malprofite al siaj propraj idoj. Gastigantoj estas ekzemple Prevosta melozono kaj Blankanuka atlapeto.