DVD

DVD
fizika formo de informoregistraĵo • formo de sonregistraĵo vd
Dum	1996 - nekonata/nuntempe
Antaŭulo	VHS
Sekvanto	Blu-radia disko
Posedata de	Sony vd
v • d • r

DVD, aŭ pure esperant-lingve lumdiskego,^[1] estas disko kiu entenas informojn pere de cifereca registrosistemo simila al tiu de KD. Tiuj diskoj havas diametron de 12 centimetroj, same kiel KD, sed havas pli grandan datumspacon - ĉe ambaŭ flankoj de la disko kaj ĉe ĉiu en du tavoloj - sume ĝis 9 GB.

La mallongigo DVD ne havas oficialan longan formon. Oni origine proponis ĝin kiel mallongigon de la angla Digital Versatile Disc (Diĝita [Cifereca] Variuza Disko), oni origine kreis DVD-ojn por konservi videojn. Sed jam frue oni pripensis la uzadon de DVD-oj por aliaj datumoj, ne nur videoj. Tial kelkaj el la entreprenoj, kiuj kunlaboris pri la kreado de la DVD-formato, proponis la longan formon Digital Versatile Disc (Diĝita [Cifereca] Variuza Disko). Ĉar la diversaj kunlaborantaj entreprenoj ne povis trovi interkonsenton, la oficiala nomo estas la mallongigo DVD.

En Esperanto oni ankaŭ ofte diras lumdiskego por DVD, ĉar ĝi havas pli grandan datum-spacon ol lumdisko (KD). Tamen, kelkaj opinias ke tio estas misuzo de la sufikso -eg-, ĉar lumdiskegoj kaj lumdiskoj estas fizike same grandaj, nur ke en lumdiskego eblas stoki multe pli da enhavo. Kiam DVD estas uzata por konservi videon, oni foje ankaŭ nomas ĝin viddisko.

Video en DVD kunpremiĝas laŭ la normo MPEG-2; unutavola disko povas enhavi 2 horojn da altkvalita video, kaj dutavola disko ĝis 4 horojn.

1. ↑ lumdiskego en la Komputada Leksikono de Sergio Pokrovskij