Back انفجار Arabic Esplosión AST Partlayış AZ Выбух BE Взрив Bulgarian Eksplozija BS Explosió Catalan تەقینەوە CKB Výbuch Czech Сирпĕнӳ CV
Eksplodo estas rapidega eksoterma kemia (fizika) reakcio, dum kiu la liberiĝanta reakcia varmo kaŭzas varmiĝon, dumtempe estiĝas grandvolumeno da gasoj, tiel la premo abrupte kreskas. Tiun subitan plivolumeniĝon de naskiĝantaj gasoj akompanas bruo, akra sonefiko kaj detrua efiko. La eksplodon fakte kaŭzas ĉenreakcioj.
La eksplodo okazas ĉe la t.n. eksploda temperaturo, kiu dependas - krom la kemiaj, fizikaj ecoj de la kombinaĵo - ankaŭ de la formo, grando, izolado de la ujo, ejo.
Oni parolas pri soneksplodo, kiam aviadilo trapasas la sonrapidon.
Naturaj eksplodoj okazas dum erupcio de vulkano aŭ sur la Suno. En astronomiaj skaloj, la plej fortaj eksplodoj estas novaoj, supernovaoj, hipernovaoj kaj gamo-radiaj ekbriloj. Eĉ pli forta estis la praeksplodo.