Flughaveno estas aerodromo kun administrejoj, riparejoj, doganejoj, aŭ ejoj por komercaĵoj kaj pasaĝeroj, kiuj faciligas intensan trafikon de grandaj avioj; do la tuto de la konstruaĵoj kaj instalaĵoj, kiuj servas al la avia trafiko de urbo aŭ regiono.
Al ĝi apartenas
- unu aŭ pluraj kurejoj, kie aviadiloj povas ekflugi aŭ alteriĝi
- konstruaĵoj por administrado, akcepto de pasaĝeroj, traktado de kargo
- ter-trafikaj ligiloj (aŭtovojo, parkejo, fervojo, metroo)
- organizaĵa strukturo por organizi la flugtrafikon, la vendon de servoj, la publikan sekurecon ktp.
