Fra Angelico

Fra Angelico
Persona informo
Naskonomo	Guido di Pietro
Naskiĝo	ĉ. 1387 en Vicchio
Morto	18-an de februaro 1455 (1455-02-18) en Romo
Tombo	Santa Maria sopra Minerva (en) Fra Angelico's tomb (en)
Lingvoj	itala
Ŝtataneco	Italio
Familio
Frat(in)o	Benedetto da Fiesole (en)
Okupo
Okupo	pentristo iluministo konstrua desegnisto
Verkoj	Cortona Triptych Niccoline Chapel Fiesole Altarpiece San Marco Altarpiece Annunciation
v • d • r

Fra Angelico (fakte Fra Giovanni da Fiesole, ankaŭ Beato Angelico, Guido di Pietro aŭ Giovanni da Fiesole; naskiĝis ĉirkaŭ 1387 en Vicchio di Mugello apud Florenco, mortis la 18-an de februaro 1455 en Romo) estis itala dominikano kaj pentristo de la frua renesanco.

Kiel Guido di Pietro li naskiĝis ĉirkaŭ 1387 (laŭ aliaj fontoj ĉirkaŭ 1400) en Vicchio di Mugello apud Florenco. 20-jara li anis la dominikanan monaĥejon en Fiesole kaj eknomiĝis Fra Giovanni da Fiesole. Kiel pentristo li verkis ekde 1417 en Florenco, Romo kaj Orvieto, ĉefe por preĝejoj, monaĥejoj kaj abatejoj de sia ordeno. Liaj pentraĵoj estas influitaj de la verko de Masaccio kaj de la nova centra perspektivo. Liaj komponaĵoj montriĝas klasike simplaj; la personaĵoj, kiujn li pentras per brilaj klarigaj koloroj, ŝajnas malpezaj. Fra Angelico mortis la 18-an de februaro 1455 en Romo.

En 1982 Johano Paŭlo la 2-a beatigis lin. Li estas protektanto de la kristanaj artistoj.