SIRUTA (rumane Sistemul Informatic al Registrului Unităților Teritorial-Administrative = informadika sistemo de registro de teritoriaj-administraj unuoj) estas klasada sistemo uzata de la rumana Nacia Instituto pri Statistiko (Institutul Național de Statistică = INS) por registri administrajn teritoriajn unuojn (Unitățile administrativ-teritoriale = UAT). Ĝi atribuas al ĉiu UAT nombran kodon.
La sistemo dividas la unuojn en tri nivelojn[1]:
- distriktoj kaj la ĉefurbo Bukareŝto
- municipoj, urboj kaj komunumoj (unuoj administrataj de urbestro)
- kvartaloj, vilaĝoj, sektoroj de Bukareŝto
Unuoj de la unua nivelo havas du- aŭ triciferajn kodojn, aliaj kvin- aŭ sesciferajn. La kodoj de la tri niveloj ne estas strukture interligitaj. Ekzemple distrikto Sibiu havas la kodon 323, ĝia ĉefurbo Sibiu havas 143450, komunumo Șelimbăr havas 143557 kaj 143566 kaj vilaĝo Veștem en tiu komunumo 143593.
Ĉiujare la 6-an de junio SIRUTA adaptiĝas al la intertempaj administraj ŝanĝoj.
- ↑ www.123coduri.ro. Arkivita el la originalo je 2011-12-30. Alirita 2012-01-06 .