Siksta Kapelo

Siksta Kapelo
Fotomontaĵo
Estas kapelo, vidindaĵo, kultura havaĵo, katolika preĝejo [+]
Koordinatoj	41° 54′ 11″ N, 12° 27′ 16″ O (mapo)41.90305555555612.454444444444Koordinatoj: 41° 54′ 11″ N, 12° 27′ 16″ O (mapo)
Arkitekto	Baccio Pontelli
Estiĝo	1473
DEC
Siksta Kapelo
Vikimedia Komunejo:  Sistine Chapel [+]
En TTT: Oficiala retejo [+]
v • d • r

La Siksta Kapelo (itale Cappella Sistina) estas la plej konata kapelo en la Apostola palaco, la oficiala sidejo de la Papo en Vatikanurbo. Ĝi famas pro sia arkitekturo, rememoranta de tiu de la Templo de Salomono laŭ la Malnova testamento, kaj ties dekorado kiu konsistas el freskoj el la plej grandaj artistoj de la Renesanco kiel Mikelanĝelo, Rafaelo, Bernini, kaj Sandro Botticelli. Sub la patronado de la papo Julio la 2-a, Mikelanĝelo pentris 12000 m² de la kapela plafono inter 1508 kaj 1512. Li indignis pri la komisio ĉar kredis ke sia laboro nur servus la bezonon de la Papo por grandiozeco. Tamen nuntempe la plafono kaj ĉefe La Lasta Juĝo, estas amplekse konsiderata kiel la ĉefa atingo de Mikelanĝelo en pentrarto.

La kapelo ricevas sian nomon el la Papo Siksto la 4-a, kiu restaŭris la malnovan Cappella Magna (Granda Kapelo) inter 1477 kaj 1480. Dum tiu periodo teamo de pentristoj inter kiuj Pietro Perugino, Sandro Botticelli kaj Domenico Ghirlandaio kreis serion de freskaj pentraĵoj priskribantaj la vivon de Moseo kaj la vivo de Kristo, komplementata de papaj portretoj kaj de pentrotrompoj. Tiuj pentraĵoj estis kompletataj en 1482, kaj la 15an de aŭgusto 1483,^[1] Siksto la 4-a konsekris la unuan diservon honore de of Nia sinjorino de la Ĉieliro.

El la tempo de Siksto la 4-a, la kapelo servis kiel ejo de kaj religiaj kaj oficialaj ceremonioj de la papa aktiveco. Nuntempe ĝi estas ankoraŭ la sidejo de la Papa konklavo, la proceso per kiu oni elektas novan papon.

1. ↑ (1983) “A Description of the Sistine Chapel under Pope Sixtus IV”, Artibus et Historiae 4 (7), p. 9–18. doi:10.2307/1483178.