Utopio

Utopio estas ĝis nun ne realigita idealo, teorio, projekto.

Utopio estas revata lando de Sir Thomas More (latine: Morus) (Utopia, Thomas More, 1516) laŭ kies fantazio tie ĉio estas perfekta.

Aliaj utopiaj verkistoj:

• Francis Bacon: Nova Atlantido
• Campanella: Sunŝtato aŭ Suncivito
• Étienne Cabet: Vojaĝo al Ikario
• Denis Vairasse: Historio de la Severambianoj

Ili ĉiuj priskribas iun idealan socion surbaze de egaleco kaj asketismo. Ili estis la unuaj kritikantoj de la feŭdismo, kapitalismo.

Dum la dua duono de la 19-a jarcento kaj dum la 20-a jarcento la ekzemplo de tiuj utopiistoj inspiris la teoriojn de la laborista movado kaj de ĉiuj revoluciaj klopodoj, kiel tiu de Parizo en 1968.