2020ko Eusko Legebiltzarrerako hauteskundeak

2020ko Eusko Legebiltzarrerako hauteskundeak
Gertaera-data	2020ko uztailaren 12a
Mota	Eusko Legebiltzarrerako hauteskundeak eta COVID-19 pandemiak kaltetutako gertakariak
Hautatu duen kargua	75 Diputatua Eusko Legebiltzarrean
Webgune ofiziala	euskadi.eus…
Parte-hartzea
1.794.316 911.089    50.78٪ 9.24 904.342      8.540    6.747
Hauteskunde emaitza
EAJ  — Iñigo Urkullu Renteria 349.960   38.7٪ 1.34 Diputatu 28 → 31 3 EH Bildu  — Maddalen Iriarte Okiñena koalizio politiko Sortu, Eusko Alkartasuna, Alternatiba (alderdia) 249.580   27.6٪ 6.47 Diputatu 18 → 21 3 PSE-EE  — Idoia Mendia Cueva 122.248   13.52٪ 1.66 Diputatu 9 → 10 1 EP  — Miren Gorrotxategi Azurmendi koalizio politiko Podemos, Ezker Anitza 72.113   7.97٪ 6.79 Diputatu 11 → 6 5 PP+Cs  — Carlos Iturgaiz Angulo koalizio politiko Alderdi Popularra, Herritarrak 60.650   6.71٪ Diputatu 6 VOX  — baliorik ez 17.569   1.94٪ Diputatu 1
2020ko Lehendakariaren inbestidura
Eusko Jaurlaritzako lehendakaria
Ordezkatzen du:	Hautetsia:
Iñigo Urkullu Renteria	Iñigo Urkullu Renteria
← 2016 2024  →

2020ko Eusko Legebiltzarrerako hauteskundeak 2020ko uztailaren 12an egin ziren. 2020ko apirilaren 5ean egitekoak ziren, XII. legealdiko 75 legebiltzarkideak hautatzeko. 2020ko otsailaren 4an Iñigo Urkullu lehendakariak hauteskunde aurrerapena eztabaidatu zuen gobernu kontseiluan, aurrerapenerako lege eskakizuna betez. Horrek hauteskundeen iragarpenari buruzko espekulazioa piztu zuen eta apirilaren 5ean egin zitezkeela eman zuten aditzera zenbait komunikabidek.^[1][2][3] 2020ko otsailaren 10ean egindako agerraldian data hori baieztatu zuen lehendakariak.^[4]

Alabaina, martxoaren 11n lehendakariak Jaurlaritza hauteskundeak mantentzea edo ez legalki aztertzen ari zela jakinarazi zuen, koronabirusaren agerraldiak Euskal Herrian izandako hedapena zela eta.^[5][6] Edonola ere, ez dago hauteskundeak atzeratzearen aurrekaririk eta "lege hutsune" horren ondorioz ez dago argi nola jokatu beharko litzatekeen.^[7] Adituek aukera horien artean lehendakariaren dekretu bat egon liteke.^[8][9] Eusko Jaurlaritzak osasun larrialdia eta Espainiako Gobernuak alarma egoera ezarri ondoren, martxoaren 16an, alderdi guztiek hauteskundeak atzeratzea erabaki zuten.^[10] Lehendakariaren dekretu batek deialdia atzeratu zuen, eta egoera hobetzean beste dekretu baten bidez zehaztu zuen data berria.

1. ↑ «Hauteskundeak apirilaren 5erako deitzea aztertzen ari da lehendakaria» Euskal Irrati Telebista 2020-02-05 (Noiz kontsultatua: 2020-02-09).
2. ↑ (Gaztelaniaz) «El lehendakari ultima un inminente adelanto electoral al pedir la preceptiva opinión a todos sus consejeros» ELMUNDO 2020-02-04 (Noiz kontsultatua: 2020-02-09).
3. ↑ (Gaztelaniaz) «Urkullu sopesa un adelanto electoral en el País Vasco» La Vanguardia 2020-02-04 (Noiz kontsultatua: 2020-02-09).
4. ↑ Imaz, Andoni. «Urkulluk apirilaren 5erako deitu ditu Legebiltzarrerako hauteskundeak» Berria (Noiz kontsultatua: 2020-02-10).^{[Betiko hautsitako esteka]}
5. ↑ «Osasun eta hezkuntza sistema sendotzeko 300 milioi ari da prestatzen Jaurlaritza» Euskal Irrati Telebista 2020-03-11 (Noiz kontsultatua: 2020-03-11).
6. ↑ «Hauteskundeak mantenduko diren ala ez aztertzen ari da legalki Eusko Jaurlaritzak» www.eitb.eus (Noiz kontsultatua: 2020-03-11).
7. ↑ Esnaola, Enekoitz. (2020). «Bozak bertan behera uzteari buruz, «lege hutsunea» dago, eta aurrekaririk eza» Berria - berria.eus.
8. ↑ EITB. (2020). «Bozak atzeratzeko egoera batean ez gaudela esan du Euskadiko Hauteskunde Batzordeak» Euskal Irrati Telebista - eitb.eus.
9. ↑ Radio Euskadi - eitb.eus. (2020). «Juanjo Alvarez: "Lehendakariaren dekretu batek hauteskundeak atzeratu ditzake"» Euskal Irrati Telebista.
10. ↑ «Hauteskundeak atzeratzea erabaki dute euskal alderdiek» Euskal Irrati Telebista 2020-03-16 (Noiz kontsultatua: 2020-03-16).