Arabako lautada Arabako erdialdeko lautada da, Arabako sei eskualde geografiko edo naturaletako bat, muga naturalak ezartzen dizkioten mendiek inguratua. Gasteizko eta Aguraingo kuadrillen lurralde ia osoa, Zuiako kuadrillaren hegoaldea eta Añanako kuadrillaren ekialdea hartzen ditu; guztira, dozena bat udalerriren lurrak. Udalerri horietatik jendetsuenak Gasteiz eta Agurain dira.