Asexualtasun

Asexualtasuna beste pertsonenganako sexu-erakarpenik eta sexu-harremanik ez izateko sexu-joera duen pertsonaren izaera da. Sexu-abstinentziaren kasuan ez bezala, asexualtasuna egoera egonkorra da, pertsona baten orientazio sexual mota bat alegia; bestalde, pertsona asexualak sexu-harremanak izan ditzake, baina beste pertsona bati atsegina emateagatik soilik edo ugaltzeko gogoagatik soilik burutzen ditu, sexu-gogorik gabe^[1]; masturbazioa eta beste praktika autoerotikoak ere egin ditzake. Abstinentziaren eta zelibatuaren kasuetan ez bezala, azkenik, asexualtasuna ez da sinesmenek zuzenean eragindako egoera bat, pertsonaren uneko izaera baizik.

1. ↑ GARCIA IDIAKEZ, Mikel. «"Jendeak asexualoi buruz duen irudia? Erreprimitu hutsak garela"» Argia (Noiz kontsultatua: 2021-01-22).