Begetarianismo

Begetarianismoa
Definizioa	Landare-oinarriko elikatze-modua, arrautza eta esnekiekin edo gabe
Aldaerak	obolaktobegetarianismoa, flexitarismoa, frugiborismoa, beganismoa, krudibegetarianismoa

Begetarianismoa animalia-haragia (behi, txerri, oilo, arrain edo besteena) baztertzen duen elikatze-modua da^[1], eta dieta malguenetan, animalia-jatorrikoak izanik ere, esnekiak, arrautzak edo eztia onartzen dituena^[2]. Begetarianismo barruan kontzepzio eta planteamendu desberdinak ematen dira baina, Mendebaldean, animaliekiko errespetuan oinarritzen dira. Begetarianismoa jarraitzen dutenei begetariano^[3] edo barazkijale^[4] deritze.

Begetarianoek ez dute animalien erabilera onartzen ez jateko ez eta dibertsio iturri moduan ere. Dena dela, badira bizimodu hori osasun argudioengatik hartzen duten begetariano asko, beste konnotaziorik gabe. Beste hainbat kasutan erlijio arauak egon daitezke horren jatorrian. Esaterako, budismoaren eta jainismoren aginduetan animaliekiko errespetua ezinbestekoa da eta horren ondorioz ez dute animaliarik jaten. Mendebaldeko gizarteetan begetarianismoa gehiago lotzen da ideologia ekologistekin edo animalien defentsarako ideologiekin.

1. ↑ Animalien ongizatea eta beganismoa: oinarrizko lexikoa Euskaltzaindia eta UZEI (noiz kontsultatua: 2023-8-5)
2. ↑ «Begetarianismo». Euskaltzaindiaren Hiztegia. (Noiz kontsultatua: 2023-8-5.)
3. ↑ «Begetariano». Euskaltzaindiaren Hiztegia. (Noiz kontsultatua: 2023-8-5.)
4. ↑ «Barazkijale». Euskaltzaindiaren Hiztegia. (Noiz kontsultatua: 2023-8-5.)