Ben Hecht

Ben Hecht
Irudi gehiago
Bizitza
Jaiotza	New York, 1894ko otsailaren 28a
Herrialdea	Ameriketako Estatu Batuak
Heriotza	New York, 1964ko apirilaren 18a (70 urte)
Heriotza modua	berezko heriotza: tronbosi koronarioa
Hezkuntza
Heziketa	Washington Park High School (en)
Hizkuntzak	ingelesa
Jarduerak
Jarduerak	gidoilaria, eleberrigilea, antzerkigilea, idazlea, kazetaria, zinema ekoizlea, film-zuzendaria eta produktorea
Jasotako sariak	ikusi Argumentu onenaren Oscar Saria  (1929) : Underworld (en) Argumentu onenaren Oscar Saria  (1935) : The Scoundrel (en) Laurel Award for Screenwriting Achievement  (1981) New York Film Critics Circle Awards  (1936) Locarno International Film Festival Awards  (1948) : Kiss of Death (en)
Kidetza	Writers Guild of America, West (en)
Sinesmenak eta ideologia
Erlijioa	judaismoa

Ben Hecht (New York, 1894ko otsailaren 28a - ibidem, 1964ko apirilaren 18a) estatubatuar gidoilari, zuzendari, ekoizle, antzerkigile eta eleberrigilea izan zen.

New Yorken jaio zen, judu bielorrusiarren semea. 16 urterekin Chicagora ihes egin zuen. Han senide batzuekin bizi izan zen eta kazetari ibilbidea hasi zuen. Chicago Daily Journal eta Chicago Daily News egunkarietan lan egin zuen. 1918an Berlinera bidali zuten berriemaile gisa. Chicagora itzuli zenean, egunkariko krimenen sailean nabarmendu zen.

1921ean Erik Dorn bere lehen eleberria argitaratu zuen, Berlinen izandako esperientzian oinarrituta.

Josef von Sternbergek Underworld filmaren gidoilari bezala aukeratu zuen. Argumentu onenaren Oscar Saria irabazi zuen eta zine munduan ibilbide luzea hasi zuen. Howard Hawks, Otto Preminger, Henry Hathaway eta Alfred Hitchcockekin lan egin zuen, besteak beste. "Hollywoodeko Shakespeare" ezizena irabazi zuen.

Sionista konprometitua izan zen. Europako juduak erreskatatzen saiatu zen gerran eta, ondoren, juduak Palestinara eramatea erraztu zuen.