Back Procés de Bernoulli Catalan Bernoulli-Prozess German Bernoulli process English Proceso de Bernoulli Spanish فرایند برنولی FA Processus de Bernoulli French תהליך ברנולי HE Processo di Bernoulli Italian ベルヌーイ過程 Japanese 베르누이 과정 Korean
Probabilitate teorian, Bernoulli prozesua edo prozesu binomiala aldi bakoitzean bi emaitza soilik izan ditzakeen denbora diskretuzko prozesu estokastiko bat da, aldi batetik bestera erabateko independentzia dagoelarik. Bernoulli prozesu baten adibide garbiena txanpon baten jaurtiketa segida da, aldi bakoitzean bi emaitza izan baitaitezke eta gainera, emaitza horien artean erabateko independentzia dagoelako. Aldi bakoitzeko zorizko saiakuntza, txanponaren jaurtiketa bakoitza adibidez, Bernoulli saiakuntza dela esaten da. Bernoulli saiakuntza bakoitzaren bi emaitza posibleak arrakasta eta porrot dira, 0 eta 1 balioak esleitzen zaizkie, eta p eta q=1-p probabilitateaz gertatzen dira.
Bernoulli prozesu baterako hainbat zorizko aldagai defini daiteke:
- aldi guztietatik zenbat bider agertu den emaitza jakin bat, zeina banaketa binomialari jarraiki banatzen den;
- arrakasta izan arte, zenbat saiakuntza burutu behar diren edota zenbat porrot izan diren, zeina banaketa geometrikoari jarraiki banatzen den;
- r-garren arrakasta izan arte, zenbat saiakuntza burutu behar diren edota zenbat porrot izan diren, zeina banaketa binomial negatiboari jarraiki banatzen den.