Kanguru

Kangurua Macropodidae familiako ugaztun martsupiala da, Australian eta Ginea Berrian bizi dena^[1]. Duela 15 milioi urte agertu ziren Australian. Kanguru gehienak belarjaleak dira, baina batzuek, txikienek, inoiz zomorroak jaten dituzte^[2].

65 kanguru espezie inguru daude, esate baterako kanguru gorria, kanguru grisa eta walabia^[3]. Espezie haietako hamar galzorian daude, ehiza dela-eta^[4]. Tamaina handienekoak kanguru gorria eta kanguru grisa dira: 2 m luze izatera irits daitezke eta 85 kiloko pisua dute. Txikienek 30 cm luze dira eta sagu itxura dute. Koalarekin batera, Australiako animalia ezagunenetakoa da^[5].

1. ↑ Weldon, Kevin. 1985. "The Kangaroo". Weldons Pty. Ltd., Sydney. ISBN 0-949708-22-4
2. ↑ Dawson, Terence J. 1995. "Kangaroos: Biology of the Largest Marsupials". Cornell University Press, Ithaca, New York. 2. edizioa: 1998. ISBN 0-8014-8262-3
3. ↑ Groves, C. (2005). Wilson, D. E., & Reeder, D. M.. ed. "Mammal Species of the World". Johns Hopkins University Press. ISBN 0-8018-8221-4 64. eta 66. orr.
4. ↑ Kangaroo Industry Background Kangaroo Industries Association of Australia. July 2008. Kangaroo-industry.asn.au.
5. ↑ The Kangaroo symbol