Nathaniel Hawthorne

Nathaniel Hawthorne
Irudi gehiago
enbaxadore 1853 - 1857
Bizitza
Jaiotzako izen-deiturak	Nathaniel Hathorne
Jaiotza	Salem, 1804ko uztailaren 4a
Herrialdea	Ameriketako Estatu Batuak
Lehen hizkuntza	ingelesa
Heriotza	Plymouth (en) , 1864ko maiatzaren 19a (59 urte)
Hobiratze lekua	Sleepy Hollow Cemetery (en)
Familia
Aita	Nathaniel Hathorne
Ama	Elizabeth Clarke Hathorne
Ezkontidea(k)	Sophia Hawthorne (en)
Seme-alabak	ikusi Julian Hawthorne (en) Mother Mary Alphonsa (en)
Haurrideak	ikusi Elizabeth Hawthorne (en) Maria Louisa Hawthorne (en)
Hezkuntza
Heziketa	Bowdoin College (en) 1825)
Hizkuntzak	ingelesa
Jarduerak
Jarduerak	eleberrigilea, idazlea, diplomazialaria, haur literaturaren idazlea, zientzia-fikzio idazlea eta ipuingilea
Lan nabarmenak	ikusi The Scarlet Letter (en) Little Daffydowndilly, and other stories (en) The House of the Seven Gables (en) A Wonder-Book for Girls and Boys (en) Tales of the White Hills, and sketches (en) The whole history of grandfather's chair (en) Biographical stories (en) The Snow‐Image: A Childish Miracle (en)
Kidetza	Phi Beta Kappa Elkartea
Mugimendua	erromantizismoa
Izengoitia(k)	Monsieur de l’Aubépine
Genero artistikoa	Gothic literature (en) kontakizun laburra eleberri laburra
Sinesmenak eta ideologia
Erlijioa	unitarismoa
Alderdi politikoa	Ameriketako Estatu Batuetako Alderdi Demokrata

Nathaniel Hawthorne (Salem, Masachusets, 1804ko uztailaren 4a - Plymouth, New Hampshire, 1864ko maiatzaren 19a) estatubatuar eleberrigile eta ipuingilea izan zen. Estatu Batuetako literaturako funtsezko autoreetakoa da. Kontakizun laburrengatik da ezaguna batez ere -berak «ipuinak» deitzen zituen, askotan eduki beldurgarriarekin, garaiko gustuari jarraituz- eta lau eleberri luzerengatik: The Scarlet Letter, 1850; The house of the Seven Gables, 1851; The Blithedale Romance, 1852; eta The Marble Faun, 1860. Haurrentzako liburu asko ere argitaratu zituen.

Nathaniel Hawthorne, Estatu Batuetako lehen eleberrigile belaunaldikoa, XIX. mendeko estatubatuar kontalari nagusia da, gertaera eta pertsonaia aldi berean misteriotsu, beldurgarri eta anbiguoak sortzeko zuen trebetasun bereziagatik, eta baita bere estiloaren edertasunagatik ere. Edgar Allan Poe bezala estatubatuar erromantizismoan kokatuta, bere lanik gehienak Ingalaterra Berria dute gertaleku, eta garaiko giro puritanoa erretratatzen dute. Herman Melville lagun handia izan zen eta hark bere maisulan Moby Dick donkitu zion.

Hawthorneren obraren muina bekatuaren inguruko gogoeta da, eta egiteko horretan sinboloak eta alegoriak erabiltzen ditu. Etika, metafisika eta psikearen alorreko gertakariak darabiltza, baina gizartearen gorabehera konkretuak alde batera uzten ditu. Bikaina da Hawthorneren kontaeraren estiloa, eta oso xehea pertsonaien psikologiaren azterketa. Hawthorneren obrak bere garaiko estatubatuar autoreen zein gerokoen onespena izan du: Edgar Allan Poe, Herman Melville, Henry James, William Faulkner.