Nippur

Nippur
Aztarnategi arkeologiko infotaula
Estatu burujabe	Irak
Governorate of Iraq	Al-Qadisiya probintzia
Koordenatuak	32°07′34″N 45°13′51″E / 32.1261°N 45.2308°E / 32.1261; 45.2308
Azalera	1.5 km²
Garaia	Akkad period (en) , Ur III period (en) eta Early Dynastic period (en)
Zuzendariak	John Punnett Peters (en) Donald E. McCown (en) Hermann Volrath Hilprecht John Henry Haynes (en) Austen Henry Layard

Nippur^[1] (sumerreraz: 𒂗𒆤𒆠, EN.LÍL^KI, euskaraz: «Enlilen hiria»^[2]; akaderaz: Nibbur), antzinako sumertar herri bat izan zen, bere lehen hondakinak, K.a. 5. milurtekoak direlarik. Nippurren zegoen zerua eta sorreraren jainkoa zen Enlilen tenplu nagusia. Identifikazioa hain zen handia, sumertar idazkera kuneiformean, "Nibru" (Nippur) eta "Enlil" hitzak, modu berean idazten zirela. Egungo hondakin zelaiaren ondoan, oraindik populaturik dagoen herrixka bat dago, arabieraz Niffer bezala ezagutzen dena. Paper garrantzitsua izan zuen gune erlijioso bezala, hurrengo garaietan, Akadiar Inperioan, Lagasheko bigarren dinastian edo Urko hirugarren dinastian mantendu zena. Azken garaikoak dira, aurkitutako sumertar tenplu tipikoak. Gaur egun, Nippurreko hondakinak, Bagdadetik 160 kilometro inguru hego-ekialdera daude, egungo Diwaniyatik gertu, Iraken.

Hiria, Shatt-en Nil ibaiaren bi ertzetan zegoen, Eufratesen ibilgurik antzinakoenetako bat. Ibaiaren ibilgua, historian zehar, aldatuz joan zen, eta, gaur egun, Nippurren hondakinak, Eufrates eta Tigris ibaien artean daude. Ibaiak, bi zatitan banatzen zuen hiria. Hondakin hauen artean punturik gorenena, inguratzen duen lautadaren gainetik 30 metro altxatzen den kono formako muino bat da, kanalaren ibilguaren ipar-mendebaldean, arabiarren artean, "Bint el-Amiror" (printzearen alaba) bezala ezagutzen dena.

1. ↑ Euskaltzaindia. (2006-1-27). Antzinateko hirien euskarazko izenak. .
2. ↑ I. E. S. Edwards, C. J. Gadd, N. G. L. Hammond, The Cambridge Ancient History: Prolegomena & Prehistory: Vol. 1, Part 1, Cambridge University Press, 1970 ISBN 9780521070515