Uraren Euskal Agentzia, ezagunagoa URA izenaz, Euskal Autonomia Erkidegoan uraren politika aurrera eramateaz arduratzen den agentzia da, Uraren 1/2006 Legearen bitartez sortua eta 2008an abian jarria. Eusko Jaurlaritzan ingurumenaren arloko eskumenak dituen sailari atxikirik dagoen eskubide pribatuko erakunde publikoa da, eta bere jarduera lau bulegotan banatzen du, Gasteizen dagoen egoitza nagusian eta lurralde historiko bakoitzeko hiru bulegoetan.