Back معاون (رتبة عسكرية) Arabic Ад’ютант BE Ад’ютант BE-X-OLD Адютант Bulgarian Adjutant Czech Adjudant Danish Adjutant German Adjutant English Adjutanto EO Asistente (rango) Spanish
Dizze side giet oer de militêre rang adjudant. Foar de funksje, sjoch: adjudant (funksje).
In adjudant is de heechste ûnderofsier yn 'e nasjonale kriichsmacht fan in soad lannen. Dizze rang komt foar by de lânmacht, de marine, de loftmacht, de maresjesee en de mariniers (koartom, alle kriichsmachtsûnderdielen). By lânmacht, marine, loftmacht en maresjesee hjit dizze rang folút: adjudant-ûnderofsier, en by de mariniers: adjudant-marinier. De oansprektitel is yn beide gefallen "adjudant", mar by de Operasjonele Tsjinst en Nautyske Tsjinst fan 'e marine wurdt om histoaryske redens de oansprektitel "opperskipper" (of "oerskipper") brûkt.
De boppelizzende rang is by de loftmacht en it grutste part fan 'e lânmacht faandrich en by de maresjesee en de lânmachtwapens fan 'e kavalery en de artillery is it kornet. By de marine is de boppelizzende rang luitenant-op-see 3e klasse en by de mariniers twadde luitenant. Direkt ûnder de rang fan adjudant stiet de sersjant-majoar of by de kavalery, artillery en maresjesee de opperwachtmaster. Dêrmei is adjudant de heechste ûnderofsiersrang.