Ian Fleming

Ian Fleming
skriuwer
persoanlike bysûnderheden
echte namme	Ian Lancaster Fleming
nasjonaliteit	Britsk
berne	28 maaie 1908
berteplak	Londen (Ingelân)
stoarn	12 augustus 1964
stjerplak	Canterbury (Ingelân)
etnisiteit	Ingelsk Skotsk
wurk
taal	Ingelsk
sjenre	skrillerromans, spionaazjeromans
perioade	mids 20e iuw
bekendste   wurk(en)	James Bond-romansearje Chitty-Chitty-Bang-Bang
jierren aktyf	1953 – 1964
offisjele webside
www.ianfleming.com

Dizze side giet oer de Ingelske skriuwer en geastlike heit fan James Bond. Foar oare betsjuttings, sjoch: Ian Fleming (betsjuttingsside).

Ian Fleming (folút: Ian Lancaster Fleming; Londen, 28 maaie 1908 – Canterbury, 12 augustus 1964) wie in Britsk skriuwer fan benammen skrillerromans en spionaazjefiksje, dy't bekend wurden is as de geastlike heit fan geheim agint James Bond. Hy wurke as sjoernalist, bankier en effektehanneler foar't er yn 'e Twadde Wrâldoarloch as ofsier tsjinne by de Britske Marine Ynljochtingedifyzje, wêrby't er út 'e earste hân ûnderfining opdie mei spionaazje. Nei ôfrin fan 'e oarloch waard Fleming wer sjoernalist en redakteur. Syn earste roman publisearre er pas yn 1953, doe't er 45 jier wie. Njonken de James Bond-romansearje skreau er ek it bekende berneboek Chitty-Chitty-Bang-Bang en twa non-fiksjewurken. Yn 1964 beswiek er mei 56 jier oan in hertoandwaning.