| Piter Wilkens | ||
 sjonger en/of muzikant
| ||
| ||
| Piter Wilkens mei de Fryske Jeugd Brassband op Helgolân 2001 | ||
| persoanlike bysûnderheden | ||
| nasjonaliteit | Nederlânsk | |
| berne | 26 augustus 1959 | |
| berteplak | Ljouwert | |
| etnisiteit | Frysk | |
| wurkpaad | ||
| sjongtaal | Frysk | |
| ynstrumint | Gitaar | |
| jierren aktyf | 1979-no | |
Piter Wilkens (Ljouwert, 26 augustus 1959) is in Frysk sjonger en tekstskriuwer, dy't meast yn it Frysk sjongt, mei no en dan in Ljouwertersk ferske. Hy wennet yn Marsum mei frou en twa bern.
Wilkens syn repertoire is in mjuks fan harksankjes, meisjongers, libbenslieten en ienmâns rock 'n roll. Fan willepunk oant folkfers, fan jankfodden oant ballades. Hy skriuwt it measte sels.
Wilkens is ien fan de meast súksesfolle artysten yn de Fryske Top 100. Hy is de sjonger mei de measte notearrings yn de list fan Fryske ferskes alle tiden. Yn 2009 stie hy mei tsien nûmers yn de list, wêrfan syn liet It paad werom it heechste kaam mei it 8e plak.