Back American Idiot AST American Idiot Bulgarian American Idiot (àlbum) Catalan American Idiot Czech American Idiot Danish American Idiot German American Idiot Greek American Idiot English American Idiot Spanish American Idiot ET
| American Idiot | ||||
|---|---|---|---|---|
| Álbum de Green Day | ||||
| Publicado | 21 de setembro do 2004 | |||
| Gravación | abril de 2003 - marzo de 2004 | |||
| Estudio(s) | Studio 880 en Oakland, e Ocean Way Recording en Hollywood | |||
| Duración | 57:12 | |||
| Xénero(s) | rock alternativo, punk rock | |||
| Selo(s) | Reprise Records | |||
| Produtor | Rob Cavallo e Green Day | |||
| Cronoloxía | ||||
| ||||
| Na rede | ||||
    | ||||
| [ editar datos en Wikidata ] | ||||
American Idiot é o sétimo álbum de estudio da banda estadounidense de punk rock Green Day, editado o 21 de setembro do 2004 a través do selo Reprise Records. Foi producido polo vello colaborador do grupo Rob Cavallo, que viña traballando habitualmente con Green Day dende o lanzamento de Dookie, no ano 1994. A mediados do 2003 o grupo comezou a gravar cancións para un álbum titulado Cigarettes and Valentines, pero os masters foron roubados e a banda decidiu comezar a gravar un novo disco en vez de regravar Cigarettes and Valentines.
Green Day decidiu producir unha ópera rock, inspirados no traballo de The Who e de varios musicais. O álbum fala da vida de Jesus of Suburbia, unha personaxe cunha imaxe de anti-heroe creado por Billie Joe Armstrong. Despois das primeiras gravacións no Studio 880 de Oakland (California), ao grupo rematou o álbum en Ocean Way Recording en Hollywood.
O álbum tivo éxito en todo o mundo, entrando nas listas de 27 países e chegando ao número 1 en 19 deles, incluídos os Estados Unidos e o Reino Unido. Dende a súa publicación, American Idiot vendeu ao redor dos 14 millóns de discos en todo o mundo, 6 deles só nos Estados Unidos, vendéndose 267.000 na primeira semana. Do álbum sacáronse cinco exitosos sinxelos.