Back ملعب أنفيلد Arabic ستاد انفيلد ARZ Enfild AZ Anfield BAN Энфілд Роўд BE-X-OLD Анфийлд Bulgarian एनफील्ड BH Anfield BS Anfield Catalan ئەنفیلد CKB
| Anfield | |
|---|---|
  Anfield | |
| Datos | |
| Coordenadas | 53°25′51″N 2°57′39″O / 53.430833333333, -2.9608333333333 |
| Localización | Liverpool, Inglaterra |
| Construción | |
| Inauguración | 28 de setembro de 1884 |
| Arquitecto | Archibald Leitch |
| Estadio | |
| Superficie | Céspede natural |
| Dimensións | 101 x 68 |
| Capacidade | 53.394 |
| Propietario | Liverpool F.C. |
| Operadora | Liverpool F.C. e Everton F.C. |
| Localía | Liverpool F.C. |
| Web | https://www.liverpoolfc.com/info/anfield |
| Eventos | |
| [ editar datos en Wikidata ] | |
Anfield é un estadio de fútbol localizado no distrito homónimo, na cidade de Liverpool, en Inglaterra, Reino Unido. A súa dirección é Anfield Road Liverpool L4 0TH. O estadio foi construído en 1884, e foi a casa do Everton Football Club até 1892, ano en que o club marchou despois dun desacordo económico. Desde entón o estadio foi o fogar do Liverpool Football Club, equipo formado a partir da saída do Everton de Anfield. É un estadio de categoría elite segundo os criterios da UEFA, e albergou numerosos partidos internacionais a nivel profesional, incluíndo encontros da selección inglesa de fútbol. O inmoble ademais foi utilizado durante a Eurocopa de 1996.
O estadio comprende catro tribunas: Spion Kop, Main Stand ("Tribuna Principal"), Centenary Stand ("Tribuna do Centenario") e Anfield Road ("Camiño de Anfield"). A asistencia marca de 61.905 espectadores foi establecida en 1952 nun partido da FA Cup entre Liverpool e Wolverhampton Wanderers Football Club. Este fito tivo lugar antes de que se instalasen asentos para cada espectador no recinto. A instalación de asentos realizouse seguindo as recomendacións do chamado Informe Taylor. Planéase a apertura en 2011 dun novo estadio en Stanley Park, o cal substituiría a Anfield e daría cabida a 25.000 espectadores máis.