| As Portelas | |
|---|---|
| Localización | |
| |
| Datos | |
| Capital | Lubián |
| Comunidade Autónoma |  Castela e León
|
| Provincia |  Zamora
|
| Superficie | 447,87 km² |
| Poboación (2018) | 858 hab. |
| Densidade de poboación | 1,91 hab./km² |
As Portelas, Entre As Portelas[1] ou Alta Seabra (Alta Senabria en leonés e Alta Sanabria en castelán) é unha rexión ou subcomarca non oficial da comarca de Seabra, ao noroeste da provincia de Zamora, en Castela e León, que testa con Galicia e con Portugal, e na que historicamente se fala o galego, aínda que legalmente non está recoñecido como oficial. O xentilicio é «portelao/á»[2]
Comprende os concellos de Porto, Lubián, Pías e Hermisende. Ademais, no lugar de Calabor, pertencente ao municipio de Pedralba de la Pradería, tamén se fala o galego. As Portelas, xunto co Bierzo occidental na provincia de León e a Terra Eo-Navia en Asturias, conforma o territorio da Galicia estremeira.
En 2020, a área galegofalante da provincia de Zamora tiña 858 habitantes repartidos da seguinte maneira:
- concello de Porto - 156 hab. (1 no mapa)
- concello de Lubián - 304 hab. (2 no mapa)
- concello de Pías - 111 hab. (3 no mapa)
- concello de Hermisende - 221 hab. (4 no mapa)
- lugar de Calabor - 66 hab. (5 no mapa), no concello de Pedralba de la Pradería
- ↑ Méndez, Gaspar (25 de maio de 2005). "O primeiro mapa de toda Galicia". Vieiros.
- ↑ Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 40. ISBN 978-84-8158-706-7.