Austria

Austria

Republik Österreich (de) Österreich (de)
Bandeira Brasón
Himno	Land der Berge, Land am Strome
Lema	«Cyrraedd ac Adfer»
Epónimo	leste
Localización
48°N 14°L / 48, 14
Capital	Viena
Contén a división administrativa	Alta Austria - Oberösterreich Baixa Austria Burgenland Carintia Estado de Tirol Estiria Salzburgo Viena Vorarlberg
Poboación
Poboación	8.979.894 (2022) (107,06 hab./km²)
Lingua oficial	lingua alemá língua de sinais austríaca (pt)
Xeografía
Parte de	Europa central Unión Europea Espazo Económico Europeo
Superficie	83.878,99 km²
Auga	1,7 %
Bañado por	Lago Constanza, Lago de Neusiedl (pt) , Río Rin, Río Danubio, Río Inn, Rio Salzach (pt) , Thaya (en) e río Morava
Punto máis alto	Grossglockner (pt) (3.798 m)
Punto máis baixo	Lago de Neusiedl (pt) (115 m)
Comparte fronteira con	Italia Hungría Eslovaquia Eslovenia República Checa Liechtenstein Suíza Alemaña
Datos históricos
Precedido por	Imperio Austrohúngaro
Creación	12 de novembro de 1918
Día festivo	Aninovo (1 de xaneiro) Epifanía (6 de xaneiro) Luns de Pascua (Easter + 1 day (en) ) Día Internacional dos Traballadores (1 de maio) Día da Ascensión (Easter + 39 days (en) ) Segunda-feira de Pentecostes (pt) (Easter + 50 days (en) ) Corpus Christi (Easter + 60 days (en) ) Asunción de María National Holiday (en) (26 de outubro) Festa da Inmaculada Concepción (8 de decembro) Día de Tódolos Santos (1 de novembro) Nadal (25 de decembro) Día de Santo Estevo (26 de decembro)
Organización política
Forma de goberno	república federal parlamentarista (pt) República semipresidencialista
• Presidente	Alexander Van der Bellen (2017–)
Órgano executivo	Austrian Federal Government (en)
• Chanceler	Karl Nehammer (2021–)
Órgano lexislativo	Parlamento Austríaco (pt) ,
Máxima autoridade xudicial	Constitutional Court of Austria (en)
Membro de	Unión europea de pagamentos Grupo para as observacións da Terra Grupo de Provedores Nucleares ../... 37+
PIB nominal	480.368.403.893 $ (2021)
Orzamento	123.488.300.000 € (2024)
Moeda	euro
Identificador descritivo
Fuso horario	UTC+01:00, horario estándar
Dominio de primeiro nivel	.at
Prefixo telefónico	+43
Teléfono de emerxencia	112, 122, 133, 144 (pt) , 140 (en) , 120 (pt) e 123
Código de país	AT
Código NUTS	AT

Austria ( pronunciación (axuda · info)) (en alemán: Österreich, [ˈøːstɐˌʁaɪç] (axuda · info)), oficialmente República de Austria ( pronunciación (axuda · info)) (en alemán: Republik Österreich, [Republik Österreich] (axuda · info))), é un estado da Europa central sen saída cara ao mar, con máis de 9,0 millóns de habitantes. Fai fronteira con Alemaña e a República Checa ao norte, Eslovaquia e Hungría ao leste, Eslovenia e Italia ao sur, e Suíza e Liechtenstein ao oeste. O territorio de Austria abrangue 83.872 quilómetros cadrados e posúe un clima temperado e alpino. O terreo austríaco é altamente montañoso debido á presenza dos Alpes, polo que tan só o 32% do país se atopa por debaixo dos 500 metros, sendo o seu punto máis alto 3.798 metros.^[1] A meirande parte da poboación fala en lingua alemá, a cal é o idioma oficial da República.^[2][3] A parte do alemán, son linguas rexionais oficiais o croata, o esloveno e o húngaro.

As orixes de Austria datan da época do Imperio Romano, cando un reino celta foi conquistado polos romanos ao redor do ano 15 a.C.. Ese territorio pasou a ser a mediados do século I a provincia romana de Noricum, nunha área que se correspondería aproximadamente ao actual país. No ano 788 d.C., o rei franco Carlomagno conquistou a area e introduciu o cristianismo. Baixo a dinastía Habsburgo, Austria converteuse nunha das principais potencias europeas.^[4][5] En 1867, o Imperio Austríaco pasou a ser Austria-Hungría.

O Imperio Austro-Húngaro colapsou en 1918 co fin da primeira guerra mundial, sendo establecida en 1919 a Primeira República Austríaca. No Anschluss de 1938, Austria foi ocupada e anexionada pola Alemaña nazi.^[6] Esta situación durou até a fin da segunda guerra mundial en 1945, despois de que o país fose ocupado polas forzas aliadas, sendo restaurada a súa antiga constitución democrática. En 1955, despois da restauración definitiva do Estado, Austria declarouse permanentemente neutral.

Hoxe, Austria é unha democracia parlamentaria composta por nove estados federais. A capital, e cidade maior do país, con 1,93 millóns de habitantes, é Viena. Austria é ademais un dos países máis ricos do mundo, cun PIB nominal per cápita de 43.723 dólares estadounidenses. O país desenvolveu pois un alto nivel de vida, e en 2008 era o número catorce do mundo en Índice de Desenvolvemento Humano. Austria é membro das Nacións Unidas dende 1955, forma parte da Unión Europea dende 1995 e é membro fundador da OCDE.^[7] Austria tamén asinou o Acordo de Schengen en 1995,^[8] adoptando como moeda o euro en 1999.

1. ↑ "Austria". The World Factbook. Central Intelligence Agency. 14 de maio de 2009. Arquivado dende o orixinal o 10 de xuño de 2009. Consultado o 31 de maio de 2009. 
2. ↑ "Die Bevölkerung nach Umgangssprache, Staatsangehörigkeit und Geburtsland" (PDF). Statistik Austria. Arquivado dende o orixinal (PDF) o 13 de novembro de 2010. Consultado o 17 de novembro de 2010. 
3. ↑ "Austria". Encyclopædia Britannica. 31 de maio de 2009. Arquivado dende o orixinal o 19 de abril de 2009. Consultado o 31 de maio de 2009. 
4. ↑ Market Liberalism: A Paradigm for the 21st Century, page 247, David Boaz, Edward H. Crane, Cato Institute, Washington D.C. 1993, ISBN 978-0-932790-98-9
5. ↑ The Transformation of European Politics, 1763–1848, Oxford History of Modern Europe, page 209, Paul W. Schroeder, Oxford University Press, 1996, ISBN 978-0-19-820654-5
6. ↑ "Anschluss". Encyclopædia Britannica. 24 de setembro de 2009. Consultado o 31 de maio de 2009. 
7. ↑ "Austria About". OECD. Arquivado dende o orixinal o 06 de maio de 2009. Consultado o 20 de maio de 2009. 
8. ↑ "Austria joins Schengen". Migration News. maio de 1995. Consultado o 30 de maio de 2009.