Cemiterio de Boisaca

O Cemiterio municipal de Boisaca é o principal cemiterio do concello de Santiago de Compostela, con 66.000 metros cadrados e unhas 12.000 prazas entre sepulturas (8.659), nichos (2.433) e panteóns (168).^[1] Está situado no lugar de Boisaca, ó norte da cidade, a carón do Polígono industrial do Tambre e da estrada N-550.

O lugar foi escenario de varios fusilamentos durante os primeiros meses da Guerra Civil española^[2], polo cal existe un recordo nun dos muros do cemiterio en homenaxe ós executados, con varias placas dos concellos de Santiago de Compostela e de Ordes.

1. ↑ Presión demográfica en Boisaca Arquivado 03 de marzo de 2016 en Wayback Machine., artigo do 8 de decembro de 2008 en El Correo Gallego. (en castelán)
2. ↑ Páxina 563 do libro "Historia de la ciudad de Santiago de Compostela". (en castelán)