Dodro

Dodro

Brasón
Arriba, as brañas e o río Ulla; no medio á esquerda, hórreos na aldea de Vigo; no medio á dereita, o muíño da Devesa e abaixo o pazo de Hermida.
Localización
42°42′56″N 8°42′53″O / 42.7155, -8.7148
Estado	España
Comunidade autónoma	Galicia
Provincia	Provincia da Coruña
Capital	Tallós
Contén a división administrativa	Dodro Laíño San Xoán de Laíño
Poboación
Poboación	2.620 (2024) (72,58 hab./km²)
Xentilicio	dodrense
Xeografía
Parte de	Mancomunidade de Municipios da Área de Santiago de Compostela Comarca do Sar
Superficie	36,1 km²
Altitude	20 m
Comparte fronteira con	Padrón Lousame Rianxo Valga Rois
Organización política
• Alcalde	Xabier Castro Tourís (2019–)
Eleccións municipais en Dodro
Identificador descritivo
Código postal	15981
Fuso horario	UTC+01:00
Código INE	15033
Sitio web	dodro.gal

Dodro é un concello da provincia da Coruña pertencente á comarca do Sar, que está situado no suroeste da provincia, onde o río Ulla desemboca na ría de Arousa. O seu xentilicio é «dodrense» e ten a súa capitalidade en Tallós. Dista de Santiago de Compostela arredor de 27 km e de Ribeira atópase a uns 37 km, ten unha superficie de 36,1 km^{2 [1][2][3]} e segundo o IGE, a 1 de xaneiro de 2023 tiña 2 675 habitantes^[4] (1 276 eran homes e 1 399 mulleres), cunha densidade de poboación de 73,29 hab./km².

O concello de Dodro conserva espazos naturais de importancia ambiental e paisaxística, como as brañas que se estenden a carón do río Ulla, constituíndo o espazo húmido máis grande de Galicia,^[5] incluídas no sistema fluvial Ulla - Deza e declarada zona especial de conservación (ZEC).^[6] Preserva moitos elementos tradicionais como os cruceiros, os muíños, os hórreos e os reloxos de sol, exemplo da etnografía galega en diferentes estados de conservación, incluído o sartego de Castro,^[7] ademais dunha rica tradición oral e escrita. Pazos históricos da fidalguía de antano e igrexas do barroco completan o patrimonio arquitectónico do municipio.

1. ↑ Rial & Gago 1992, Descrición
2. ↑ Quintana García 1993, p. 477
3. ↑ "Información turística". Concello de Dodro. Consultado o 01-12-2023. 
4. ↑ "Series históricas de poboación de Galicia". IGE. Consultado o 28-11-2023. 
5. ↑ "Recursos naturais". Concello de Dodro. Consultado o 28-11-2023. As Brañas son o espazo húmido máis grande de Galicia e albergan unha gran riqueza ambiental. 
6. ↑ "DECRETO 37/2014, do 27 de marzo, polo que se declaran zonas de especial conservación os lugares de importancia comunitaria de Galicia e se aproba o Plan director da Rede Natura 2000 de Galicia". 44. ZEC Sistema Fluvial Ulla-Deza (ES1140001) (62). DOG: Consellería de Medio Ambiente, Territorio e Infraestruturas. 31-03-2014: 13427. Consultado o 28-11-2023. 
7. ↑ Lorenzo Baleirón, Manuel (24-10-2021). "O sartego de Castro, en Dodro". La Voz de Galicia. Consultado o 06-01-2024.