Back Enrico Fermi AF Enrico Fermi ALS ኤንሪኮ ፌርሚ AM Enrico Fermi AN إنريكو فيرمي Arabic انريكو فيرمى ARZ এনৰিকো ফাৰ্মি AS Enrico Fermi AST Enriko Fermi AZ انریکو فرمی AZB
Enrico Fermi, nado o 29 de setembro de 1901 en Roma (Italia) e finado o 28 de novembro de 1954 en Chicago, Illinois (USA), foi un físico italiano naturalizado estadounidense, coñecido polo desenvolvemento do primeiro reactor nuclear e as súas contribucións ao desenvolvemento da teoría cuántica, a física nuclear, a física de partículas e a mecánica estatística. Gañou o Premio Nobel de Física no ano 1938 polos seus traballos sobre a radioactividade inducida, e é considerado un dos científicos máis importantes do século XX.[1] Desde 1939 foi profesor de física na Columbia University.
Foi definido como o arquitecto da era nuclear e da bomba atómica[2], tendo colaborado nos primeiros ensaios e investigacións da bomba nuclear (proxecto Manhattan). Descubriu as reaccións no núcleo producidas por neutróns con movemento lento, e observou que estes eran absorbidos máis facilmente polo núcleo atómico que as partículas aceleradas. Investigou a teoría da estrutura fina dos espectros e a formación dos raios cósmicos. Entre as súas obras destácase Elementary Particles (1951).[3]
Foi un dos poucos físicos da era moderna a combinar a teoría coa experiencia. Recoñeceselle como un físico con grandes capacidades tanto no plano teórico como experimental. O elemento Fermio, que foi producido de forma sintética en 1952, foi nomeado no seu honor.
A medicina moderna, que usa isótopos radioactivos para o diagnóstico e o tratamento de enfermidades, é debedora do seu traballo.[4]
- ↑ Snow, Charles (1981). Little Brown, ed. The Physicists: A Generation that Changed the World (en inglés). ISBN 1842324365.
- ↑ "Enrico Fermi, architect of the nuclear age, dies (1954)" (en inglés). Arquivado dende o orixinal o 17 de novembro de 2015. Consultado o 1 de novembro de 2024.
- ↑ Enciclopèdia Catalana, SAU (ed.). "Enrico Fermi". Gran Enciclopèdia Catalana (en catalán). Consultado o 1 de agosto de 2009.
- ↑ Schwartz, David N. (2017). The Last Man Who Knew Everything: The Life and Times of Enrico Fermi, Father of the Nuclear Age (en inglés). Hachette UK. ISBN 9780465093120.