Etihad Airways

Etihad Airways
IATA EY	OACI ETD	Indicativo ETIHAD
Fundación		xullo de 2003
Aeroporto principal		aeroporto de Abu Zabi
Plan de voo frecuente		Etihad Guest
Frota		116
Destinos		79[1]
Holding		Etihad Aviation Group
Páxina web: http://www.etihad.com

Etihad Airways (árabe: شركة الاتحاد للطيران, sharikat alittiḥād liṭṭayarān) é a aeroliña nacional dos Emiratos Árabes Unidos, ademais de ser a segunda compañía máis grande do país, despois de Emirates. A súa sede atópase en Khalifa City, un suburbio residencial de Abu Zabi, preto do aeroporto internacional de Abu Zabi, que é a súa base principal. Etihad comezou a operar no mes de novembro de 2003.

A aeroliña opera máis de 1 000 voos por semana, tanto de pasaxeiros como de carga, a uns 120 destinos en Oriente Medio, África, Europa, Asia, Australia e América, cunha frota de 116 avións Airbus e Boeing en febreiro de 2018.^[1][2] No ano 2015 a aeriliña transportou 14,8 millóns de pasaxeiros, un 22,3% máis que no ano anterior.^[3]

Ademais da súa actividade principal de transporte de pasaxeiros, Etihad tamén opera Etihad Holidays e Etihad Cargo. No ano 2015 Etihad creou a súa propia alianza de aeroliñas, Etihad Airways Partners, que inclúe a Air Serbia e Air Seychelles.^[4] Etihad Airways mantén investimentos minoritarios nas aeroliñas participantes na alianza, ademais de ter accións en Virgin Australia, que oficialmente non forma parte de Etihad Airways Partner.

Etihad Airways é unha das poucas aeroliñas clasificadas como de 5 estrelas por Skytrax.^[5]

1. ↑ ^{1,0 1,1} Etihad Airways (ed.). "Route map". Consultado o 31 de marzo de 2018. 
2. ↑ Erro no código da cita: Etiqueta <ref> non válida; non se forneceu texto para as referencias de nome Our fleet
3. ↑ Etihad Airways (ed.). "Fourth consecutive year of net profit". Consultado o 31 de marzo de 2018. 
4. ↑ Crikey (ed.). "Etihad targets Star, Oneworld with new Partners brand". Arquivado dende o orixinal o 20 de xuño de 2018. Consultado o 31 de marzo de 2018. 
5. ↑ Skytrax (ed.). "World's 5-star airlines". Arquivado dende o orixinal o 23 de marzo de 2018. Consultado o 31 de marzo de 2018.