Illa de Mozambique

Illa de Mozambique

(pt) Ilha de Moçambique
Tipo	illa cidade espazo urbano
Epónimo	Mussa Bin Bique (en)
Localización
División administrativa	Distrito da Ilha de Moçambique, Mozambique (pt)
15°02′12″S 40°43′58″L / -15.0367, 40.7328
Bañado por	Canle de Mozambique
Características
Dimensións	3 () km
Superficie	1,5 km²
Patrimonio da Humanidade
Tipo	Patrimonio cultural  → África
Data	1991 (15ª Sesión), Criterios de Patrimonio da Humanidade: (iv) e (vi)
Identificador	599
Patrimonio de influencia portuguesa

A Illa de Mozambique (en portugués, Ilha de Moçambique) é unha cidade insular situada na provincia de Nampula, na rexión norte de Mozambique, que deu o seu nome ao país do que foi a primeira capital. Debido á súa rica historia, manifestada por un amplo patrimonio arquitectónico, a illa foi recoñecida pola Unesco en 1991 Patrimonio da Humanidade.^[1]

A illa constitúe un municipio e ten un goberno local electo. De acordo co censo de 1997, o concello ten 42.407 habitantes, e destes 14.889 viven na illa.

O seu nome, que en lingua macua é Muipiti, parece que deriva de Mussa-Ben-Bique, ou Mussa Bin Bique, ou incluso Mussa Al Mbique, personaxe sobre quen case non se sabe nada certo, pero que deu o nome (como Mussa Bin Bique) a unha nova universidade, situada en Nampula.

En canto á arquitectura, a illa está dividida en dúas partes, a "cidade de pedra" e a "cidade de macuti", a primeira con preto de 400 edificios, incluíndo os monumentos máis recoñecidos, e a segunda, na metade sur da illa, con cerca de 1200 casas de construción precaria, moitas delas cubertas con macuti.

A Illa de Mozambique está unida ao continente africano por unha ponte de preto de 3 km de lonxitude, construída nos anos 60.

1. ↑ "Island of Mozambique". Unesco (en inglés).