Isoencima

En bioquímica, os isoencimas^[1] ou isocimas^[2] (tamén isoenzimas^[3] e isozimas) son encimas que difiren na súa secuencia de aminoácidos pero catalizan a mesma reacción química. Estes encimas xeralmente teñen distintos valores dos seus parámetros cinéticos, como a constante de Michaelis-Menten (K_M) ou a V_max, diferentes propiedades regulatorias ou distintas mobilidades electroforéticas ou propiedades inmunolóxicas^[4]. A existencia de isoencimas permite unha regulación moi precisa do metabolismo para adaptarse ás necesidades particulares dun determinado tecido ou estado de desenvolvemento (por exemplo no caso da lactato deshidroxenase (LDH)). Os isoencimas son isoformas (variantes moi relacionadas) de encimas. En moitos casos, están codificadas por xenes homólogos que diverxiron co tempo.

1. ↑ Definicións no Dicionario da Real Academia Galega e no Portal das Palabras para encima.
2. ↑ Erro no código da cita: Etiqueta <ref> non válida; non se forneceu texto para as referencias de nome Lehninger
3. ↑ Definicións no Dicionario da Real Academia Galega e no Portal das Palabras para enzima.
4. ↑ Medical Dictionary Definition