Liliaceae

Liliaceae
Lilium henryi.
Clasificación científica
Reino: Plantae División: Magnoliophyta Clase: Liliopsida Orde: Liliales Familia: Liliaceae Juss.[1]
Sinonimia
Calochortaceae Erythroniaceae Fritillariaceae Medeolaceae Scoliopaceae Tulipaceae

As Liliáceas (Liliaceae Juss.) son unha familia de plantas perennes, herbáceas, con frecuencia bulbosas, pertencente á orde Liliales das monocotiledóneas. Posúe preto de 16 xéneros e 600 especies. As Liliáceas poden ser recoñecidas polas súas flores bastante grandes cun perigonio formado por 6 tépalos libres, frecuentemente coloreados e con pintas, 6 estames extrorsos e un ovario súpero, tricarpelar e trilocular. Áchanse amplamente distribuídas por todo o mundo, principalmente en rexións temperadas do Hemisferio Norte.^[2]

1. ↑ Jussieu, A. L. (1789). Genera Plantarum, 48. 
2. ↑ http://www.mobot.org/MOBOT/Research/APweb/orders/lilialesweb.htm#Liliaceae Liliaceae 2008-28-04 Angiosperm Phylogeny Website. Version 7, Maio 2008