Motilina

A motilina é unha hormona peptídica de 22 aminoácidos, que nos humanos está codificada polo xene MLN do cromosoma 6.^[2]

A motilina é unha hormona secretada polas células M das criptas do intestino delgado, especialmente no duodeno e xexuno (que non hai que confundir coas células M das placas de Peyer).^[3] Se a comparamos pola súa secuencia de aminoácidos, a motilina non está relacionada con outras hormonas. O seu nome de motilina débese á súa capacidade de estimular a actividade da musculatura gástrica. Ademais de nos seres humanos, os receptores da motilina atopáronse no tracto gastrointestinal dos porcos, ratas, vacas, e gatos, e no sistema nervioso central dos coellos.

1. ↑ Andersson A, Mäler L (2002). "NMR solution structure and dynamics of motilin in isotropic phospholipid bicellar solution". J. Biomol. NMR 24 (2): 103–12. PMID 12495026. doi:10.1023/A:1020902915969. 
2. ↑ Daikh DI, Douglass JO, Adelman JP (1989). "Structure and expression of the human motilin gene". DNA 8 (8): 615–21. PMID 2574660. doi:10.1089/dna.1989.8.615. 
3. ↑ Poitras P, Peeters TL (2008). "Motilin". Curr Opin Endocrinol Diabetes Obes 15 (1): 54–7. PMID 18185063. doi:10.1097/MED.0b013e3282f370af.