Tampa

Tampa

Bandeira
Localización
27°56′51″N 82°27′31″O / 27.9475, -82.4586
Estado	Estados Unidos de América
Estado federado	Florida
Condado	Condado de Hillsborough
Capital de	Condado de Hillsborough
Poboación
Poboación	384.959 (2020) (848,29 hab./km²)
Número de fogares	156.705 (2020)
Xeografía
Situado na entidade territorial estatística	Área da baía de Tampa (Poboación:3.175.275)
Superficie	453,805005 km²
Auga	35,2817 % (1 de abril de 2010)
Altitude	30 m
Creación	1823
Organización política
• Alcaldesa	Jane Castor (2019–)
Identificador descritivo
Fuso horario	UTC−05:00
Prefixo telefónico	813
Outro
Irmandado con	Veracruz Oviedo Granada Agrigento Córdoba Le Havre (1992–) Esmirna (1992–) Ashdod (2005–) Barranquilla (2016–)
Sitio web	tampa.gov

Tampa (/tæmpə/)^[1] é unha cidade do Estado de Florida. Ademais é a sede do condado de Hillsborough e atópase na costa leste de Florida, na Baía de Tampa, preto do golfo de México. A poboación de Tampa no 2011 era de 346.037 persoas.^[2][3]

O territorio actual de Tampa ocupárono pobos indíxenas, da cultura Safety Harbor, especialmente os Tocobaga e os Pohoy, que viviron na Baía de Tampa. Os españois exploraron brevemente este territorio a comezos do s. XVI, pero non houbo asentamentos permanentes, europeos ou americanos, dentro do territorio que ocupa hoxe en día a cidade, ata que os Estados Unidos mercaron Florida a España, en 1819.

En 1824, o exército dos Estados Unidos creou un posto fronteirizo chamado Fort Brooke na foz do río Hillsborough, preto do actual Centro de Convencións de Tampa. A primeira poboación civil asentouse preto do forte, coa protección da poboación seminole. A cidade creceu pouco a pouco até a década de 1880 cando, o ferrocarril, o descubrimento do fosfato, e a chegada da industria tabaqueira, dispararon o desenvolvemento de Tampa e axudaron a convertela nunha importante cidade a comezos do século XX.

Hoxe en día, Tampa forma parte da área metropolitana xeralmente coñecida como Área da Baía de Tampa. Para o censo dos Estados Unidos, Tampa forma parte da Área estatística metropolitana Tampa-San Petersburgo-Clearwater. A zona dos catro condados ten uns 2,7 millóns de habitantes, o que a converte na segunda Área estatística metropolitana (MSA) máis poboada do estado, e na cuarta no Sueste dos Estados Unidos, tras Miami, Washington, D.C., e Atlanta.^[4] A maior zona da Baía de Tampa ten sobre 4 millóns de persoas e normalmente inclúe as áreas metropolitanas de Tampa e Sarasota. Os datos da Asociación da Baía de Tampa e do Censo dos Estados Unidos mostran un aumento medio de poboación do 2,47%, 97.000 persoas ao ano. Entre os anos 2000 e 2006, o número de residentes experimentou unha subida do 14,8 %, crecendo de 3,4 a 3,9 millóns e superando a marca de 4 millóns de persoas o 1 de abril de 2007.^[5] Unha sondaxe de poboación do 2012 calcula que a Área da Baía de Tampa ten unha poboación de 4.310.524 persoas, fronte aos 19.317.568 de habitantes de todo o estado de Florida,^[6] e estímase que no ano 2017 terá uns 4.536.854 habitantes.^[7]

Tampa ten importantes equipos deportivos, entre os que se atopan os Tampa Bay Buccaneers, da National Football League, os Tampa Bay Lightning, da National Hockey League, e os Tampa Bay Storm, da Arena Football League. Ademais, os Tampa Bay Rays, da Major League Baseball e os Tampa Bay Rowdies da North American Soccer League xogan os seus partidos como locais na veciña San Petersburgo.

No 2008, a revista Forbes considerouna a quinta mellor cidade para facer actividades ao aire libre.^[8] Nunha sondaxe do ano 2004, feita polo xornal da Universidade de Nova York, o Washington Square News, Tampa quedou como unha das mellores cidades para "vinteañeiros".^[9] Tampa é unha cidade global "Gamma" segundo a Universidade de Loughborough. De acordo a esta universidade, Tampa está á altura doutras cidades como Phoenix, Santo Domingo, e Osaka.^[10] Nos últimos anos, aumentou a demanda dos consumidores de Tampa, o que amosa a riqueza concentrada na zona.^[11][12]

1. ↑ "Tampa". The American Heritage Dictionary of the English Language (en inglés). Houghton Mifflin Harcourt. Consultado o 4 de decembro de 2011. 
2. ↑ Erro no código da cita: Etiqueta <ref> non válida; non se forneceu texto para as referencias de nome quickfacts
3. ↑ Oficina do Censo dos Estados Unidos (1 de xullo de 2011). ""Táboa 1. As 15 cidades cun maior incremento de poboación dende o 1 de abril de 2010 ata 1 de xullo de 2011"" (en inglés). Consultado o 18 de marzo de 2012. 
4. ↑ "táboa con encabezados na columna A e as cabeceiras das columnas das filas 3 e 4 (os puntos indican os principais subapartados)" (en inglés). census.gov. Arquivado dende o orixinal (CSV) o 04 de abril de 2009. Consultado o 3 de setembro de 2010. 
5. ↑ "Tampa Bay metro market hits milestone" (en inglés). Tampa Bay Business Journal- bizjournals.com. 20 de xuño de 2007. Consultado o 23 de febreiro de 2008. 
6. ↑ Oficina do Censo dos Estados Unidos (10 de xaneiro de 2013). "Poboación estimada de Florida en 2012" (en inglés). Arquivado dende o orixinal o 14 de agosto de 2012. Consultado o 12 de febreiro de 2013. 
7. ↑ "Tampa Bay, Florida Demographics" (en inglés). tampabay.us. Arquivado dende o orixinal o 15 de decembro de 2012. Consultado o 1 de xaneiro de 2013. 
8. ↑ Ruiz, Rebecca. "In Depth: America's Best Cities For The Outdoors". Forbes (en inglés). Arquivado dende o orixinal o 02 de xaneiro de 2013. Consultado o 17 de xaneiro de 2013. 
9. ↑ Danik, Sarah (10 de maio de 2004). "Top six cities for 20-somethings". Washington Square News (en inglés). Arquivado dende o orixinal o 18 de abril de 2012. Consultado o 17 de xaneiro de 2013. 
10. ↑ "GaWC – The World According to GaWC 2010" (en inglés). Lboro.ac.uk. 14 de setembro de 2011. Arquivado dende o orixinal o 24 de maio de 2012. Consultado o 28 de setembro de 2011. 
11. ↑ "Business: Tampa Bay's new address: Upscale, USA" (en inglés). Sptimes.com. 9 de xullo de 2006. Consultado o 17 de abril de 2011. 
12. ↑ Brian Montopoli (May 12, 2010). "Tampa, Florida to Host 2012 Republican National Convention" (en inglés). CBS News. Arquivado dende o orixinal o 18 de xaneiro de 2013. Consultado o 23 de outubro de 2011.