Xiberelina

As xiberelinas son hormonas de plantas que regulan o crecemento e inflúen en varios procesos do desenvolvemento da planta, como o crecemento do talo, xerminación, dormencia, floración, expresión do sexo, indución encimática, e a senescencia de follas e froitos.^[1]

As xiberelinas foron recoñecidas por primeira vez en 1926 polo científico xaponés Eiichi Kurosawa, cando estaba estudando unha enfermidade da planta do arroz.^[1][2] Foi illada por primeira vez en 1935 por Teijiro Yabuta e Sumuki, a partir de cepas do fungo Gibberella fujikuroi proporcionadas por Kurosawa.^[1] Yabuta foi o que lle deu ao produto illado o nome de xiberelina (a partir do nome do fungo).^[1]

O interese polas xiberelinas fóra do Xapón empezou despois da segunda guerra mundial. Nos Estados Unidos, a primeira investigación levouna a cabo unha unidade de Camp Detrick en Maryland (centro onde se investigaba en patóxenos de plantas e no programa de armas biolóxicas), estudando as plántulas de Vicia faba (faballón).^[1] O interese polas xiberelinas espallouse polo mundo rapidamente cando se fixo evidente a súa potencial aplicación a varias plantas comerciais importantes. Un exemplo son as investigacións da décda de 1960 en California e a súa aplicación sobre as uvas Sultana.^[3] Un antagonista coñecido das xiberelinas é o paclobutrazol (PBZ).

1. ↑ ^{1,0 1,1 1,2 1,3 1,4} Gibberellins: A Short History, from https://agrikaido.com/plant-hormones/ Arquivado 23 de decembro de 2008 en Wayback Machine., the home since 2003 of a website developed by the now-closed Long Ashton Research Station
2. ↑ Phytohormones (Plant Hormones) and other Growth Regulators: Gibberellin Arquivado 20 de marzo de 2005 en Wayback Machine., from a University of Hamburg website
3. ↑ Gibberellin and Flame Seedless Grapes Arquivado 06 de decembro de 2006 en Wayback Machine. from a University of California, Davis website