ISO 639-1

Ta'n coad ISO 639-1 ny chied veer jeh kynney ny stundayrtyn eddyr-ashoonagh ry hoi coadyn çhengaghyn. T'eh jeant seose jeh 136 coadyn daa-lettyragh as ad ymmydit dys soilshaghey magh preeu-çhengaghyn y theihill. Ta ny coadyn shen nyn nghiare-screeu eddyr-ashoonagh ymmydoil dys çhengey y hoilshaghey magh. Myr sampleyr:

• Ta Baarle cowrit magh liorish en
• Ta Frangish cowrit magh liorish fr
• Ta Germaanish cowrit magh liorish de (veih'n fockle Deutsch 'sy çhengey hene)
• Ta Shapaanish cowrit magh liorish ja (faagail magh dy vel eh Nihongo ennym ny çhengey 'sy çhengey hene)
• Ta Portiugish cowrit magh liorish pt

Haink y rolley ISO 639-1 dy ve ny stundayrt oikoil 'sy vlein 2002, agh v'eh ayn ayns cummey draght er feie bleeantyn roish eh shen. V'eh ht, ta shassoo seose son Creeole Haiti, y coad jerrinagh va currit er y rolley er 26 Toshiaght Arree, 2003. Va ymmyd y stundayrt currit er e hoshiaght liorish lipaidyn çhengey IETF, foshlit ayns RFC 1766 ayns Mee Vayrnt ny bleeany 1995, as freilt liorish RFC 3066 veih Jerrey Geuree 2001 as RFC 4646 veih Mean Fouyir 2006. She Infoterm (International Information Center for Terminology - "Laare Oayllys Eddyr-ashoonagh ry hoi Termeeaght") lught-reill recortyssey son coadyn ISO 639-1.

Cha nel coadyn ISO 639-1 noa currit er y rolley my vel coad ISO 639-2 ayn hannah. Er y fa shen, cha nel currym er coryssyn lesh y daa choad ISO 639-1 as 639-2, lesh tosheeaght er son coadyn 639-1, ny coadyn v'ayn hannah adsyn y cheaghley.^[1]

My vel coad ISO 639-2 ayn as e coodaghey possan çhengaghyn, foddee dy beagh eh markit harrish liorish coad ISO 639-1 noa er son çhengey er-lheh.

Cha nel sonreeaght er corrym macra-çhengaghyn (jeeagh er ISO 639-3).

1. ↑ ISO 639 Joint Advisory Committee - Working principles for ISO 639 maintenance