| Brahma Dass Lakshman | |
|---|---|
 B. D. Lakshman | |
| Janam | 1900 |
| Maut | 1981 Navua, Fiji |
| Citizenship | Fiji citizen |
| Duusra naam | Brahma Dass Lakshman |
| Jaati | Hindustani |
| Citizen | Fiji citizen |
| Parrhai | BA L.T. |
| Parrhai ke jagha | Banares Hindu University |
| Kaam | Teacher, Kisan, Union ke neta |
| Kaam ke saal | 1940 - 1977 |
| Home town | Navua, Fiji |
| Jaana jaawe hae | Union ke leader Legislative Council ke member, 1940 - 1944 aur 1959 - 1963 |
| Dharam | Hindu |
Brahma Dass Lakshman (1900 - 1981), (jiske B. D. Lakshman nai to khaali BD ke naam se bhi jaana jaawat rahaa), Fiji ke ek politician, businessman aur trade unionist rahaa. Uu Fiji ke thora Hindustani me se ek rahaa jiske India jaae ke University me parrhe ke mauka mila. Bachelor of Arts aur Teaching ke degree paawe ke baad uu khaali thora din Fiji me parrhaes. Iske baad uu, Kisan Sangh, ke saathe kaam karis aur iske sahara se uu 1940 me Legislative Council me chuna gais, lekin Sangh ke leader se madbhed ke kaaran uu 1944 ke election haar gais. Iske baad uu Chini Majdur Sangh ke suruu karis aur aapan business me jaada dhyan de lagaa. 1959 talak, uu Fiji Industrial Workers Congress ke President ban gais rahaa aur Lautoka city Council ke member bhi ban gais rahaa. Uske fir se admii logan aadar se dekhe lagin aur uu aapan purana seat ke 19 saal baad fir se jiit liis. Ek term ke baad uu politics se fir retire hoe gais aur aapan business me fir se dhyan de lagaa lekin political issues pe aapan vichar dete rahis.