Back तोताराम सनाढ्य BH Totaram Sanadhya English तोताराम सनाढ्य HI തോത്താറാം സനാദ്ധ്യ Malayalam Totharam Sanadhaya Turkish
| Totaram Sanadhya | |
|---|---|
 Totaram Sanadhya | |
| Janam | 1876 Hirangau, Firozabad, Uttar Pradesh, India |
| Maut | 1947 Sabramati Ashram, Ahmedabad, Gujarat, India |
| Citizenship | Indian |
| Jaati | Hindustani |
| Citizen | Indian |
| Kaam | Pandit, Kisan |
| Employer | freedom fighter |
| Home town | Hirangaon firozabad u.p. |
| Jaana jaawe hae | Book: Mere Fiji Dwip me Ikkis Varsh |
| Padwi | Pandit |
| Party | freedom fighter |
| Dharam | Hindu (Sanatani) |
Totaram Sanadhya (1876 - 1947) ek girmitya rahaa, jon ki Fiji ke Hindustani ke adhikar khatir maang kare waala pahila admii rahaa. Uske dhoka se bharti kar ke girmit me India se Fiji lawa gais rahaa. Uu 1893 me Fiji pahuchis aur paanch saal ke girmit kaatis lekin aapan adhikaar ke khaatir larrai karte rahis. Girmit khalaas kare ke baad, Sanadhya aapan kheti suruu karis aur sanghe sanghe pandit ke kaam bhi karis. Uu duusra Hindustani log ke madat hardam karat rahaa aur India se bhi madat le ke kosis karis. Uske khaas haanth, Fiji me pahila Hindustani wakiil (Manilal Doctor) ke laae me rahaa. 1914 me uu India laut gais aur aapan experience, aur Fiji ke Hindustani logan ke pratithi ke baare me ek book, Benarsidas Chaturvedi ke saathe, Mere Fiji Dwip me Ikkis Varsh, likhis. Ii book ke parr ke India me Fiji ke prastithi ke baare sab log ke jaankari mila. Abhi talak, itihaas ke likhe waala log ii book se girmit ke time ke jindagi ke baare me jankari le hae. Uu, aapan jindagi ke aakhri din Mahatma Gandhi ke saathe, Sabramati Ashram me, bitais.