Back Nuwe Testament AF አዲስ ኪዳን AM Nīwu Gecȳþnes ANG العهد الجديد Arabic ܕܝܬܝܩܝ ܚܕܬܐ ARC العهد الجديد ARZ Nuevu Testamentu AST ЦӀияб КъотӀи AV Əhdi-cədid AZ عهد جدید AZB
| Nove Testamento |
|---|
| instantia de: obra scripte[*], texto religiose[*] |
| parte de: Biblia |
|
|
|
| data de creation: 1e seculo |
| Commons: New Testament |
Le Nove Testamento[1] (in Greco: Καινὴ Διαθήκη, Kainē Diathēkē) es le nomine date al secunde major subdivision del Biblia christian. Le prime de tal divisiones es le multo plus longe Vetere Testamento. Le Nove Testamento es aliquando appellate "Le Nove Testamento Grec" o "Le Scripturas Grec", o "Le nove pacto". Iste ultime appellation traduce litteralmente le nomine grec.
Le textos original del Nove Testamento esseva scribite in Greco Koiné per varie autores de post le anno 45 A.D. Su 27 libros esseva gradualmente colligite in un singule volumine durante un periodo de duo seculos. Benque alicun poc gruppos christian differe in re le numero del libros que deberea continer le Nove Testamento, le grande majoritate del ecclesias christian concorda in acceptar le 27 libros como le canone authoritative del Nove Testamento.
Le Nove Testamento comprende quatro narrationes del ministerio de Jesus Christo, appellate evangelios; un narration del ministerio del apostolos in le ecclesia antique (isto es un supplemento del tertie evangelio; 21 epistolas (litteras), scribite per varie autores, que contine super toto instructiones doctrinal e moral; e un prophetia apocalyptic, que technicamente es le 22me epistola.
Benque le linea temporal del composition pote haber essite considerate per illes qui definiva originalmente le canone, le ordine del libros del Nove Testamento non es strictemente chronologic.
Benque Jesus ipse e le apostolos esseva hebree e parlava currentemente le lingua aramaic, le Nove Testamento esseva scribite in lingua grec proque illo esseva le lingua plus diffundite in le area del Mediterraneo in ille epocha, un sorta de lingua franca. Isto poteva melio guarantir le diffusion del message christian.