Back مناطق الفلبين Arabic Regiona vo de Philippinen BAR Rehiyon kan Filipinas BCL Regions de les Filipines Catalan Rehiyon (Pilipinas) CEB Filippinernes regioner Danish Region (Philippinen) German Regions of the Philippines English Anexo:Regiones de Filipinas Spanish Filippiinien alueet Finnish
| Politika ti Filipinas |
|---|
 |
Idiay Filipinas, dagiti rehion (Filipino: rehiyon), (ISO 3166-2:PH) ket dagiti administratibo a pannakabingbingay a ti nangruna a serbina ket ti mangurnos dagiti probinsia (Filipino: lalawigan) ti pagilian para iti panagipalaka ti administrasion. Iti agdama, ti purpuro a republika ti Filipinas ket nabingbingay kadagiti 17 a rehion (16 nga administratibo ken 1 nga autonomo). Kaaduan kadagiti opisina ti nailian a gobierno ket mangitedda kadagiti serbisio babaen kadagiti rehional a sangada imbes a ti kadda kadagiti dagus nga opisina ti probinsia. Dagitoy a rehional nga opsina ket kadawyanda (ngem saan a kankanayon) nga adda iti siudad a naidesignado a kas rehional a sentro.
Dagiti rehion ket agtagikuada met iti sabali a lokal a gobierno, malaksid iti Agwaywayas a Rehion ti Bangsamoro iti Muslim a Mindanao, nga addaan iti maysa a nabutosan a rehional nga asemblia ken gobernador. Ti Rehion Administratibo ti Kordiliera ket kasisigud idi a naikeddeng nga agwaywayas (Agwaywayas a Rehion ti Kordiliera), ngem gapu kadagiti napaay a plebisito, ti kasasaadna a tentatibo nga administratibo a rehion ket awan inggana a naipapaut.