Back Manilkara AF منلكارا Arabic سبوته ARZ Manilkara Catalan Manilkara CEB Manilkara German Manilkara English Manilkara Spanish خیز نی (سرده) FA Sapotillapuut Finnish
| Manilkara | |
|---|---|
| |
| Sanga ken bunga ti Manilkara jaimiqui ssp. emarginata | |
Taksonomia 
| |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Asterids |
| Urnos: | Ericales |
| Pamilia: | Sapotaceae |
| Subpamilia: | Sapotoideae |
| Tribu: | Sapoteae |
| Henero: | Manilkara Adans., naikonserba a nagan[1] |
| Sebbangan-kita | |
| M. kauki | |
| Kapada a nagan | |
| |
Ti Manilkara ket tihenero dagiti kayo iti pamilia ti Sapotaceae. Adu dagitoy kadagiti tropikal ken semitropikal a lokasion iti Aprika, Madagascar, Asia, Australia, ken Latin nga Amerika, ken dagiti pay nadumaduma nga isla iti Pasipiko ken iti Karibe.[4] Ti asideg a kabagianna ket ti henero ti Pouteria.
Dagiti kayo iti daytoy a henero ket addaan kadagiti makan a bunga, naserbia kayo, ken latex. Dagiti kaaduan nga ammo a sebbangan ket mairaman ti M. bidentata (balatá), M. chicle (chicle) ken M. zapota (sapodilla). Ti M. hexandra ket ti kayarigan a sabong ti Probinsia ti Prachuap Khiri Khan iti Tailandia, nga idiay ket ammo a kas rayan. Ti M. obovata ket makibinningay iti bernakular a nagan iti Ingles iti African pear iti sabali pay a kompleto a sabali a sebbangan, ti Dacryodes edulis, ken dagitoy ket saan koma a maiyallilaw iti Baillonella toxisperma, nga ammo met iti kapadpada nagan iti, African pearwood iti Ingles.
Ti kadawyan a nagan iti Manilkara, ket naala manipud iti manil-kara, ti maysa a bernakular a nagan para iti M. kauki iti Malayalam.[5]
Dagiti kayo a Manilkara ket masansanda a signipikante, wenno dominante a sebbangan kadagiti patnengda nga ekosistema, kas ti namaga a kankanayon a berde a bakbakir ti Daya a Deccan, premontane a nabasa a tropikal a bakbakir ti Tengnga nga Amerika, wenno kakauyog iti Cynometra, iti Nailian a Parke ti Arabuko Sokoke.
Ti bunga ti Manilkara ket maysa nangruna a makan para kadagiti naduamduma a frugivoro, a naipangpangruna kadagiti billit. Ti nalabbasit a paniki (Stenoderma rufum) ket ti kangrunaan – ken kenmabalina ati kaikaisuna nga agiwarwaras iti bukel iti M. bidentata kadagiti parte ti Karibe. Ti Tuckerella xiamenensis, ti maysa a sebbangan ti peacock mite, ket naipalawag idi manipud iti kayo a sapodilla.
Maipangta dagiti nadumaduma a sebbangan gapu iti nakaro a panaggundaway ken pannakadadael iti habitat. Ti M. gonavensis ti Haiti ken M. spectabilis ti Costa Rica ket ganganidan a maungaw.
- ^ a b Fam. Pl. (Adanson) 2: 166, 574. 1763 [Jul-Aug 1763] "Plant Name Details for Genus Manilkara". IPNI. Naala idi Disiembre 23, 2009.
Nomenclatural Notes: nom. cons. Type Name: M. kauki (Linnaeus) Dubard (Mimusops kauki Linnaeus) (typ. cons.) ; basonimo ti: Sapotaceae Mimusops subgen. Manilkara (Adans.) Pierre & Urb., Symb. Antill. (Urban). 5: 162. 1904
- ^ GRIN (Marso 31, 2009). "Achras information from NPGS/GRIN". Taxonomy for Plants. National Germplasm Resources Laboratory, Beltsville, Maryland: USDA, ARS, National Genetic Resources Program. Naiyarkibo manipud iti kasisigud idi 2012-10-03. Naala idi Disiembre 23, 2009.
Comment: a rejected (nom. rej.), heterotipiko a sinonimo (Vienna ICBN Art. 14.4 & App. III) of Manilkara Adans., nom. cons.
- ^ Gard. Dict. Abr., ed. 4. [unpaged]. 1754 [28 Jan 1754] "Plant Name Details for Genus Sapota". IPNI. Naala idi Disiembre 23, 2009.
Nomenclatural Notes: nom. illeg. nom. superfl. Achras Linnaeus (1753).
- ^ Kew World Checklist of Selected Plant Families[permanente a natay a silpo]
- ^ Quattrocchi, Umberto (2000). CRC World Dictionary of Plant Names. Vol. III. CRC Press. p. 1609. ISBN 978-0-8493-2677-6.