PubMed Central

Ti PubMed Central (PMC) ket ti nawaya a dihital a repositorio a mangiyarkibo kadagiti maserrekan iti publiko a nano a teksto a naeskolar nga artikulo a naipablaaken iti kaunegan ti warnakan ti literatura iti biomedikal ken dagiti siensia ti biag. Kas maysa kadagiti nangruna a database ti pagsukisokan iti kaunegan iti agasmang dagiti rekurso a pinarang-ayen babaen ti National Center for Biotechnology Information (NCBI), ti PubMed Central ket ad-adu ngem iti maysa a repositorio iti dokumento. Dagiti maited iti PMC ket maipanda iti maysa a pamay-an iti pannakaindeks ken pannakapormat a pagresultaan iti mapasayaat a metadata, medikal nga entolohia, ken dagiti naiduma a panangilasin nga amin ket mangpasayaat iti estruktura ti datos ti XML para iti tunggal maysa nga artikulo iti deposito.^[1] Ti linaon iti kaunegan ti PMC ket mabalin a maisilposilpo kadagiti adu a sabali na database ti NCBI ken maserrekan babaen ti pagbirukan ken dagiti sistema ti panagala iti Entrez, nga adu a mangpasayaat iti abilidad ti nawaya a panagduktal ti publiko, agbasa ken mangipatakder iti daytoy a portfolio iti biomedikal a pannakaammo.^[2]

Ti PubMed Central ket maiduma unay manipud iti PubMed.^[3] Ti PubMed Central ket ti maysa a nawaya a dihital nga arkibo dagiti napno a teksto, a maserrekan iti sino man babaen ti maysa a pagbasabasa iti web (nga agraman kadagiti nadumaduma a probision para iti panagusar manen). Iti pannakisinnarita, uray no ti PubMed ket ti maysa a mabirukan a database dagiti biomedikal a dakamat ken dagiti abstrakto, ti napno a teksto nga artikulo ket pisikal nga agtaeng iti sabali a lugar (iti prenta wenno online, nawaya wenno iti maysa nga agsuskribir).

Manipud iti Disiembre 2018, aglaon ti arkibo ti PMC akadagiti sumurok a 5.2 a riwriw nga artikulo,^[4] nga agraman kadagiti kontribusion a dagus nga agtaud manipud kadagiti agipabpablaak wenno dagiti mannurat nga agidepdeposito kadagiti bukodda a manuskrito iti repositorio babaen ti Annuroten ti Panagserrek iti Publiko ti NIH. Mangipakita dagiti nadadaan a datos manipud idi Enero 2013 aginggana idi Enero 2014, dagiti deposito nga inaramid ti mannurat ket simmurok kadagiti 103,000 a papel iti las-ud iti daytoy a 12 a bulan a paset ti panawen.^[5] Manginagan pay ti PMC kadagiti agarup a 4,000 a warnakan a makibinglay itan iti sumagmamano a kapasidad nga automatiko a mangideposito iti bukodda a naipablaak a linaon iti repositorio ti PMC.^[6] Adda dagiti sumagmamano a makibingbinglay nga agipabpablaak a mangtaktak iti pannakaiyebbet kadagiti bukodda nga artikulo iti PubMed Central para iti maysa nga agsmang iti panawen kalpasan ti pannakaipablaak, daytoy ket masansan a makunkuna a kas maysa nga "embargo a paset ti panawen", ken mabalin a sumakop manipud kadagiti bassit a bulan aginggana kadagiti bassit a tawen depende iti warnakan. (Kadawayn dagiti embargo iti innem aginggana iti sangapulo ket dua a bulan.) Nupay kasta, ti PubMed Central ket ti maysa a nangruna a wadan iti "sistematiko nga akinruar a distribusion iti maikatlo a partido"^[7] a makaiparit pay laeng babaen kadagiti tunosan ti kontributor kadagiti adu nga agipabpablaak.