Back Samba AF Samba (Musik) ALS Samba AN سامبا Arabic سامبا AZB Самба (музыка жанры) BA Samba BAR Samba BAT-SMG Самба (музыка) BE Самба BE-X-OLD
Ti Samba ilemmeng ket sala ti Brasil a henero ti musika a nagtaud idiay Bahia, Brasil, ken adda dagiti pannakaramutna idiay Rio de Janeiro ken Aprika babaen ti panagtagilako ti adipen ti Laud nga Aprika ken dagiti relihioso a tradision ti Aprika. Daytoy ket mabigbigan iti sangalubongan a kas simbolo ti Brasil ken ti Karnibal ti Brasil. Naikeddeng daytoy a kas maysa kadagiti kadayegan a panangiyebkas iti kultura ti Brasil, ti samba ket nagbalinen a simbolo ti nailian nga identidad ti Brasil.[1][2][3] Ti Bahia a Samba de Roda (sirkulo a sala),a nagbalin a Tawid ti Nagtagitaon ti UNESCO idi 2005, ket isu ti kangrunaan a ramut ti samba carioca, ti samba a tinoktokar ket sinal-sala idiay Rio de Janeiro.
Ti moderno a samba a rimmuar idi rugi ti maika-20 a siglo ket kaaduan iti 2/4 a tempo ket nagkaruay iti naammuan a panagusar iti kinanta a koro iti batucada ritmiko, nga addaan kadagiti nadumaduma nga estropa dagiti deklaratorio a berso. Iti tradison, ti samba ket tinoktokar babaen dagiti kuerdas (ti cavaquinho ken dagiti nadumaduma a kita ti gitara) ken dagiti nadumaduma nga instrumento ti perkusion a kas ti tamborim.
Iti pay maipatinayon kadagiti naisangayan a ritmikona ken kompas, ti samba ket mangiyeg ti naipakasaritaan a kultura iti makan, dagiti nadumaduma a sala (miudinho, coco, samba de roda, and pernada), dagiti padaya, dagiti kawes a kas dagiti lienso a kamiseta, ken ti NAIF a pinintaan dagiti ammo a nagnagan a kas ni Nelson Sargento, Guilherme de Brito, ken ni Heitor dos Prazeres. Dagiti di amammo nga artista ti komunidad, a mairaman dagiti pintor, dagiti eskultoy, dagiti dumidibuho, ken dagiti nagpay-paayus, ket nagar-aramidda kadagiti kawes, dagiti pagan-anay, dagiti plota ti karnibal, ken dagiti karro, a mangluklukat kadagiti ruangan dagiti eskuela ti samba. Adda pay dagiti nalatak a tradision Pagsalaan ti samba idiay Brasil, ken adda met dagiti adu nga estilo. Ti Samba de Gafieira ket isu ti estilo a nadayeg idiay Rio de Janeiro, nga idiay ti papanan dagiti lokal a tattao kadagiti padaya ti gafieiramanipud idi tawtawen ti 30, ken isu ti rimmuran dagiti gungunay ken identidad ti daytoy a sala, ken immad-adu a nagbalbaliw kadagiti tinaudan ken impluensiana iti Aprika, Europa, Arhentina ken Kuba.
Ti Nailian nga Aldaw ti Samba ket rinambakan iti Disiembre 2. Ti petsa ket naipundar babaen ti panangirugi ni Luis Monteiro da Costa, ken ni Alderman ti Salvador, ken pammadayaw para kenni Ary Barroso. Isu ti nangisurat ti "Na Baixa do Sapateiro" urayno isu ket saan pay a napnapan idiay Bahia. Isunga ti Disiembre 2 ket mangmarka ti immuna a panagbisita ni Ary Barroso to Salvador. Iti immuna, daytoy nga aldaw ket rinambakan laeng idiay Salvador, ngem kanungpalan daytoy a nagbalin a nailian nga aldaw.
Ti Samba ket lokal nga estilo idiay Abagatan a daya a Brasil ken idiay Amianan a daya a Brasil, ken naipangpangruna idiay Rio de Janeiro, São Paulo, Salvador ken idiay Belo Horizonte. Ti kinapangrunana a kas nailian a musika ti Brasil ket sagudayanna ti rehion, nupay kasta;dagiti eskuela ti samba, dagiti musikero ti samba ken dagiti gunglo ti karnibal a naipalawlaw iti panagpabuya iti samba ket adda met kadagiti tunggal maysa a rehion ti pagilian ken, bayat a dagiti rehional a musika ket umartap kadagiti amin a rehion (kas pagarigan, idiay Akin-abagtan a Brasil, Tengnga-Laud a Brasil, ken dagiti amin nga away ti Brasil, ti Sertanejo, wenno country a musika ti Brasil, ket isu daytoy ti kadayegan nga estilo).[4] Gapu ta ti Rio de Janeiro ket isu ti kadayegan a siudad ti Brasil iti sangalubongan,[5][6] kadawyan a ti samba ket inus-usar a panangilasin kadagiti Brasiliano a kas paset ti isu met laeng a nailian a kultura.
- ^ maybe Samba Naiyarkibo 2009-02-06 iti Wayback Machine – Dicionário Cravo Albin da Música Popular Brasileira – patarus ti Google
- ^ Samba Naiyarkibo 2009-03-21 iti Wayback Machine – Cliquemusic – Google translation
- ^ Samba Naiyarkibo 2016-03-03 iti Wayback Machine – All Brazilian Music
- ^ Música Sertaneja Naiyarkibo 2011-09-27 iti Wayback Machine – Dicionário Cravo Albin da Música Popular Brasileira
- ^ Global Hospitality Resources, Inc. (ed.). "GHN MARKET REPORT Rio de Janeiro" (PDF). Naiyarkibo manipud iti kasisigud (pdf) idi 2015-04-18. Naala idi 2012-04-01.
Siudad ti Rio de Janeiro ket isu ti kadayegan a siudad ti Brasil iti lubong
- ^ Kids Corner Brazil (ed.). "Rio de Janeiro". Naala idi 2012-04-01.