Back San Diego AF ሳንዲየጎ AM Sanct Didacusburg ANG سان دييغو Arabic سان دييجو ARZ San Diego AST San-Dieqo AZ سان دیقو AZB San Diégo BAN Сан-Дыега BE
| San Diego | ||
| ||
| Diversa imaji pri San Diego. | ||
|
| |
| Standardo | Blazono | |
| Lando: |  Usa
| |
| Stato: | Kalifornia | |
Informo:
| ||
| Fondita ye: | 16ma di julio 1769 | |
| Fondita da: | Hispani | |
| Latitudo: | 32°42'54"N | |
| Longitudo: | 117°09'45"W | |
| Altitudo: | 22 m | |
| Surfaco: | 963,6 km² | |
| Habitanti: | 1 386 932[1] (2020) | |
| Denseso di habitantaro: | 1670,08 hab./km² | |
| Disto de Sacramento: | (per choseo) 811,11[2] km | |
| Horala zono: | UTC-8 (UTC -7 dum la somero) | |
| Urbestro: | Todd R. Gloria | |
Mapo:
| ||
| ||
San Diego, hispana por "Santa Didacus", esas urbego en Kalifornia, Usa. Ol esas sideyo dil komtio San Diego, jacanta an la marbordo dil Pacifika Oceano en Suda Kalifornia, cirkume 190 km sude de Los Angeles, ed adjacanta la frontiero kun Mexikia. Kun 1 386 932 habitanti segun la demografiala kontado di 2020[1], San Diego esas la okesma maxim granda urbo en Usa e duesma max granda en Kalifornia. Komtio San Diego esas la 5ma maxim populoza de Usa, kun cirkume 3 286 069 habitanti en 2021.
San Diego esas parto del metropolo San Diego-Tijuana, la duesma max granda transfrontiera aglomerajo inter Usa ed altra lando dop Detroit–Windsor, kun habitantaro 4.922.723. La urbo konocesas pro sua milda totyara klimato, naturala profunda portuo, longa plaji, longa asocio kun la Usana Mararmeo, e recenta emerso kom developo-centro di medicino e bioteknologio.
San Diego nomizesas "la naskeyo di Kalifornia". Historiale hemo dil populo Kumeyaay, ol esis la unesma situo vizitita da europani an la nuna westa marbordo di Usa. Lor desembarko en la bayo San Diego en 1542, Juan Rodríguez Cabrillo pretendis la areo por Hispania, formacinta la bazo por koloniigo di Alta Kalifornia 200 yari pose. La Presidio e Mission San Diego de Alcalá, fondita en 1769, esis l'unesma europana kolonio en nuna Kalifornia. En 1821, San Diego divenis parto del nove sendependa Mexikia, qua divenis la Unesma Mexikiana Republiko du yari pose. En 1850, Kalifornia divenis parto de Usa pos la Mexikiana–Usana Milito e la admiso di Kalifornia al Uniono.
La urbo esas la sideyo di komtio San Diego ed esas l'ekonomiala centro dil regiono. La chefa ekonomiala motori di San Diego esas militala e defensala aktivesi, turismo, internaciona komerco, e fabriko. La prezenteso dil Universitato di Kalifornia, San Diego (UCSD), kun la UCSD Medical Center, helpas igar la areo centro di resercho en bioteknologio.
- ↑ 1,0 1,1 QuickFacts: San Diego city, California - Publikigita da Usana Kontado-Ministerio. URL vidita ye 22ma di januaro 2023.
- ↑ Distance between San Diego, CA to Sacramento, CA - URL vidita ye 13ma di decembro 2018.