Back Insulien AF إنسولين Arabic انسولين ARZ ইনছুলিন AS Insulina AST İnsulin AZ Insulin BAR Інсулін BE Інсулін BE-X-OLD Инсулин Bulgarian
Insulin (basa Latin insula, "pulo", amarga diprodhuksi ing Pulo-pulo Langerhans ing pankreas) iku siji hormon polipeptida sing ngatur metabolisme karbohidrat. Saliyané minangka "efektor" utama sajeroning homeostasis karbohidrat, hormon iki uga mèlu sajeroning metabolisme lemak (trigliserida) lan protéin – hormon iki duwé properti anabolik. Hormon mau uga mengaruhi jaringan awak liyané.
Insulin dipigunakaké sajeroning pangobatan sawatara jinis diabetes mellitus. Pasien kanthi diabetes mellitus tipe 1 gumantung marang insulin eksogen (disuntikaké ing sangisoré kulit/subkutan) kanggo kaslametané amarga kakurangan absolut hormon mau; pasien kanthi diabetes mellitus tipe 2 duwé tingkat produksi insulin sethithik utawa kebal insulin, lan kadhang kala mbutuhaké pengaturan insulin yèn pangobatan liya ora cukup kanggo ngatur kadhar glukosa getih.