Kanji

Aksara Kan Jepang (Kanji)  rungokna (pitulung·info) (漢字, ^?), tegesé aksara Kan, iku aksara Cina kang dipigunakaké sajeroning basa Jepang. Kanji minangka salah siji saka papat sèt aksara kang dipigunakaké sajeroning tulisan modhèren Jepang saliyané aksara kanah ( katakanah, hiraganah) lan romaji. Kanji biyèné uga karan mana (真名, mana^?) utawa shinji (真字, shinji^?) kanggo mbédakaké saka kana. Aksara kanji dianggo nglambangaké citakara (Ind: konsep) utawa idhep (tembung aran, akar tembung kriya, akar tembung sipat, lan tembung katrangan). Sauntara iku, hiraganah lumrahé dianggo minangka okuriganah kanggo nulisaké inflèksi tembung kriya lan tembung-tembung kang wod tembungé ditulis nganggo kanji, utawa tembung-tembung asli basa Jepang. Saliyané iku, hiraganah dianggo nulis tembung-tembung kang angèl ditulis lan diéling-éling yèn ditulis nganggo aksara kanji. Kajaba tembung silihan, aksara kanji dianggo nulis amèh kabèh tembung kang asal saka basa Cina lan basa Jepang.