Back Ambrosius von Mailand ALS أمبروز Arabic امبروسيوس ARZ Ambrosiu de Milán AST Müqəddəs Ambrosi AZ Ambrosius vo Mailand BAR Амвросій Медыяланскі BE Амброзій Мэдыяланскі BE-X-OLD Амвросий Медиолански Bulgarian Ambroaz Milano BR
Ambrosius
Obitus: 4 Aprilis 397; Mediolanum
Patria: Roma antiqua
Familia
Memoria
Sanctus, prelate (feriae die 7 Decembris, 20 Decembris)
| Sanctus Ambrosius | |
|---|---|
| |
| Doctor Ecclesiae Catholicae | |
| Natus | 291 |
| Mortuus | 304 |
| Attributa | alvearium, puer, scutica, os |
| Patronus | apis, animal domesticum, doctrina/eruditio, Mediolanum, Italia, scholasticus |
 Index Sanctorum
| |
Aurelius Ambrosius, sanctus et Doctor Ecclesiae, sive "doctor mellifluus," Augustini magister, Augustae Treverorum in Belgica (hodie Germania) anno 340 circiter e familia Romana natus est. Studiis Romae incubuit et Sirmii cursum honorum coepit. Anno 370 consularis Liguriae et Aemiliae factus, anno autem 374 Episcopus Mediolanensis electus est, die 7 Decembris ordinatus.
Quo in munere, caritatem in omnes maxime exercuisse habetur, verus pastor et doctor fidelium factus. Disciplinam ecclesiasticam strenue tutatus est; rectae fidei doctrinam, una cum diacono et amico Sabino, verbo, scriptis, et opere acriter contra Arianos defendit, quorum multos ad fidem converterunt.
Pro ecclesia Dei Christiani laboribus curisque perfunctus, obiit Sabbato Sancto, die 4 Aprilis anni 397. Postremis aetatis suae diebus viderat Iesum advenisse ad se et arridentem sibi.
Hymnorum compositor cum simplicium tum dulcissimorum, a quibus Prudentius poeta mox est profectus, musicae ecclesiasticae initium prope fecit. Ambrosius fuit universae ecclesiae donum, cui locupletem insigniter doctrinae ac sanctimoniae reliquit thesaurum.