Back Антарктида AB Antartika ACE Антарктикэ ADY Antarktika AF Antarktika ALS አንታርክቲካ AM Antarctida AN Antarctica ANG अंटार्कटिका ANP القارة القطبية الجنوبية Arabic

Antarctica

Antarctica
Collocatio Antarcticae terrae.
Tabula regionis Antarcticae.
Homines Expeditionis Nimrod iter ad Polum Australem facientes (a laeva): Franciscus Wild, Ernestus Shackleton, Ericus Marshall, Jameson Adams.
Tabula Antarcticae (Anglice signata).
Topographia subglacialis et bathymetria saxi quae sub glacie Antarctica iacent.
This is topographic map of Antarctica after removing the ice sheet and accounting for both isostatic rebound and sea level rise. Hence this map suggests what Antarctica may have looked like 35 million years ago, when the Earth was warm enough to prevent the formation of large-scale ice sheets in Antarctica.
Aptenodytes forsteri in Mari Ross, ante litus Antarcticae.
Pittacium cursuale Antarcticam vehementius dicit.

Antarctica (vel Antarctis[1]) est australissima continens Telluris, quae geographicum Polum Australem superiacet. Est posita in regione Antarctica Hemisphaerio Australi, paene omnino ad australem Circuli Antarctici partem, atque ab Oceano Antarctico cingitur. In circa 14.4 milliones chiliometrorum quadratorum consistens, ea est continens quintus a maximo, post Asiam, Africam, Americam Septentrionalem, Americam Australem; praeterea, sua magnitudo est bis magnitudinis Australiae. Circa 98 centesimas Antarcticae a glacie tegitur, quae generatim est saltem 1.6 chiliometra crassa.

Antarctica est frigidissimus, siccissimus, ventosissimus telluris continens, et habet altissimam omnium continentium elevationem mediam.[2] Ea praeterea est desertum, cuius praecipitatio quotannis est solum 200 millimetra secundum litus, multoque minus in interiore parte.[3] Temperatura aeris in Antarctica gradum –89 °C (–129 °F) attigit. Nemo ibi perpetuo habitat, sed fere a 1000 ad 5000 hominum per annum in stationibus investigationis per continentem sparsis habitant. Solum organismi ad frigus accommodati ibi supersunt, inter quos multa genera algarum et animalium (exempli gratia, acari, nematoda, sphenisciformes, pinnipedia, tardigrada), bacteriorum, fungorum, plantarum, et protistorum. Vegetatio ubi fit est tundra.

Mythi et coniecturae de Terra Australi ab antiquitate in tempora posteriora deductae sunt, sed primus conspectus confirmatus usitate habetur anno 1820 ab expeditione Russica Thaddaei Bellingshausen et Michaelis Lazarev in Vostok et Mirny factus esse. Continens autem, ob circumiectum infestum, inopiam opium naturalium, et solitudinem, reliquium saeculi undevicensimi plerumque neglectus manebat. Foedus Antarcticum anno 1959 a duodecim civitatibus signatum est; usque hodiernum diem, 49 civitates foedus signaverunt. Foedus res militares et mineralia exfossa interdicit, explosiones? nucleares et abiectionem ramentorum nuclearium prohibet, investigationes scientificas sustinet, et oecozonam continentis tuetur. Experimenta a plus quam quattuor milibus eruditorum ex multis civitatibus habentur.

Hodie populus demiratur quid sub strato niveo Antarcticae est. Sunt theoriae et quaestiones de cultu humano antiquo ibi a nonnullis milleniis incoluit quando clima calorior fuit, et si reliqua eorum aedificiorum conservata subter sunt.

  1. ↑ Gen. -idis. In lingua Anglica et saepe in Francogallica et terra continens "Antarctica" nominatur, et omnis regio circumpolaris australis. Hispanice, Italice, Portugallice, Russice et interdum Francogallice solum regio circumpolaris "Antarctica" nominatur, terra autem firma "Antarctis"; sed Theodisce vice versa "Antarctis" est regio circumpolaris et "Antarctica" continens. Saepe et Latine "Antarctis" invenietur: Iosephus Motyka, Lichenum Generis USNEA Studium Monographicum, 1938, p. 22; N.S. Golubkova, De biomorphis lichenum Antarctidis notula, in: Novitates Systematicae Plantarum non Vascularium, 11, 1974; M.P. Andreev, Lichenes oasium maritimarum Antarctidis Orientalis, in: Novitates Systematicae Plantarum non Vascularium, 27, 1990; Ephemeris, De continentibus ad septentriones moventibus et De Iaponica navi; Alma Roma, 1933, 20, 4 et 1934, 21, 4. Cf. et binomina Prosipho antarctidis, Weinkauffia antarctidis, Bullinella antarctidis etc.
  2. ↑ National Satellite, Data, and Information Service. "National Geophysical Data Center". Government of the United States 
  3. ↑ Joyce, C. Alan (18 Ianuarii 2007). "The World at a Glance: Surprising Facts". The World Almanac 

Antarctica

Dodaje.pl - Ogłoszenia lokalne