Camelus

Camelus bactrianus in Mongolia visus

---

Animalia — Chordata

Classis : Mammalia 
Ordo : Artiodactyla 
Familia : Camelidae 
Genus : Camelus 
Linnaeus, 1758

   

Subdivisiones: Species

* Camelus bactrianus

• Camelus dromedarius

Camelus (nomen a Linnaeo anno 1758 statutum) est genus mammalium quorum duae species hodie vivae agnoscuntur, ambae hominibus utiles: onera enim necnon homines ipsos transportare possunt, dies aliquot per regiones aridis et desertis sine necessitate bibendi euntes. Camelus bactrianus e media Asia oritur, C. dromedarius ex Arabia et Africa Septentrionali. Hi singulas habent in dorso gibbas, illi binas. Cum vocem suam edunt cameli blatterare dicuntur^[1]

Nomen Graecum et mox Latinum "κάμηλος, camēlus" e lingua Semitica quadam mutuatum est (cf. Arabice جمل, Hebraice גמל gamal). Hoc nomen a scriptoribus classicis ambobus "generibus" attribuitur quae Aristoteles Graece,^[2] Plinius maior Latine distinxit.^[3] Linnaeus igitur, qui hoc genus anno 1658 definivit, idem nomen selegit duasque species omnibus cognitas enumeravit.

• Animalium soni